Կանխամտածված և կեղծ սնանկություն

Հայաստանում կանխամտածված և կեղծ սնանկության գործերը բավականին շատ են: Այս մասին այսօր ԱԺ արտահերթ նիստում «Սնանկության մասին» օրենքի և հարակից փաթեթի քննարկման ժամանակ հայտարարեց ՀՀ արդարադատության փոխնախարար Արսեն Մկրտչյանը: «Հարուցվել են բավականին շատ քրեական գործեր»,- ասաց փոխնախարարը՝ խոստանալով ներկայացնել վիճակագրություն, ի պատասխան ԲՀԿ խմբակցության ղեկավար Նաիրա Զոհրաբյանի հարցադրմանը, թե կեղծ սնանկացման քանի՞ դեպք է հայտնաբերվել, և պատասխանատվության ենթարկվե՞լ են, թե՞ ոչ: Ա.Մկրտչյանը խոստացավ ներկայացնել քրեական գործերի ցուցակը, որպեսզի Ն.Զոհրաբյանն այդ ցուցակում փորձի գտնել իշխանության որևէ հովանավորյալի: