Իշխանությունը չի սիրում թուլություն ցույց տալ. Լևոն Զուրաբյան

Ազգային ժողովում լրագրողների հետ զրույցում ԱԺ ՀԱԿ խմբակցության պատգամավոր Լևոն Զուրաբյանը հայտնեց, թե հարկային օրենսգիրքը վերջին պահին բերել են, ուզում են առաջին ընթերցմամբ ընդունել:«Մեզ հանգստացնում են , թե ոչինչ, էսօր առաջին ընթերցմամբ ընդունենք, հետո լուրջ կքննարկենք, ամբողջ ամառը մեր առաջ է»:Հարցին՝ հնարավո՞ր է՝ օրենսգիրքն առաջին ընթերցմամբ չանցնի՝ հաշվի առնելով, որ ՀՀԿ-ական շատ գործարար պատգամավորներ էլ նշեցին թերությունների մասին, ասաց. «Դեռ այն զգացումը չունեմ, որ ապստամբության մակարդակը հասել է այն աստիճանի, որ նրանք դադարեն կատարել նախագահական վարչակազմի ցուցումները: Իշխանությունը հատկապես նման իրավիճակներում չի սիրում թուլություն ցույց տալ»: