Էրդողանը նամակ է գրել Պուտինին
«Հարգելի´ պարոն Նախագահ: Ողջ թուրք ժողովրդի անունից, ի դեմս Ձեզ, շնորհավորում եմ բոլոր ռուսներին Ռուսաստանի օրվա կապակցությամբ, ինչպես նաև ցանկանում եմ, որ մոտ ժամանակներս Ռուսաստանի և Թուրքիայի հարաբերությունները դուրս գան արժանի մակարդակի»,- RIA Novosti-իի փոխանցմամբ Թուրքիայի նախագահ Ռեջեփ Թայիփ Էրդողանը Ռուսաստանի նախագահ Վլադիմիր Պուտինին գրած նամակում շնորհավորել է ռուսներին՝ Ռուսաստանի օրվա կապակցությամբ և ցանկություն է հայտնել, որ Մոսկվայի և Անկարայի հարաբերությունները ունենան «արժանի մակարդակ»: Իր հերթին, Թուրքիայի վարչապետ Բինալի Յըլդըրըմը ՌԴ վարչապետ Դմիտրի Մեդվեդևին գրած նամակում հույս է հայտնել, որ «մոտ ապագայում մեր երկրների միջև համագործակցությունն ու հարաբերությունները կհասնեն մի մակարդակի, որն անհրաժեշտ է մեր ժողովուրդների ընդհանուր շահերին»: «Ի դեմս Ձեզ՝ ռուսներին ցանկանում եմ բարեկեցություն և բարգավաճում»,- գրել է Թուրքիայի վարչապետը:
Հետևեք մեզ Viber-ում
