ԱԱԾ-ում կկարողանան աշխատել նաև բանակում չծառայած քաղաքացիները

Այսուհետ Ազգային անվտանգության ծառայությունում կկարողանան աշխատել նաև պարտադիր զինվորական ծառայություն չանցած մարդիկ:  Այսօր ԱԺ-ն առաջին ընթերցմամբ ընդունել է «Ազգային անվտանգության մարմիններում ծառայության մասին» ՀՀ օրենքում լրացումներ կատարելու մասին օրենքի նախագիծը: Ազգային անվտսանգության ծառայության մարմինների նեղ մասնագիտական կրթություն պահանջող առանձին պաշտոններ այսուհետ կկարողանան համալրել զինվորական ծառայությունից ազատված ու հետագայում պահեստազորում գրանցված անձիք: Այսպիսով աշխատանքի հնարավորություն է ստեղծվում նաև այն անձանց համար, ովքեր չեն ծառայել բանակում, սակայն ունեն գիտական աստիճան: