Կառավարությունն աշխատում է կոռուպցիայի դեմ պայքարի ուղղությամբ. Դավիթ Հարությունյան
« Կառավարությունն աշխատում է կոռուպցիայի դեմ պայքարի ուղղությամբ :Ես խորհուրդ եմ տալիս ձեզ՝ վարչապետի խոսքը շատ ուշադիր ևս մեկ անգամ ընթերցել, եթե ընկալելի չի լինի, նոր տվեք ձեր հարցերը»,- խորհրդարանում լրագրողների հետ զրույցում հայտարարեց կառավարության աշխատակազմի ղեկավար-նախարար Դավիթ Հարությունյանը չհամաձայնեց այն դիտարկմանը, թե վարչապետ Հովիկ Աբրահամյանը կրկին հետաձգել է մենաշնորհների դեմ պայքարը: Ի պատասխան հարցին, թե ի՞նչ է` օպտիմալացումը կատաֆալկներ կրճատե՞լն էր, քանի որ գյուղատնտեսության նախարարությունը կրճատում է կատաֆալկներ, արդարադատության նախարարությունը՝ 1977 թվականի մեքենաներ, Հարությունյանը հորդորեց կրկին ծանոթանալ կրճատումների մանրամասներին: «Ես կարծում եմ՝ դարձյալ դա ձեր անուշադրությունից է գալիս: Եթե դուք ուշադիր հետևեք այն աղուսյակին, որ կառավարությունը հաստատեց, թե քանի մեքենա էր ֆինանսավորվում 2016 թվականի բյուջեով, և քանի մեքենա է ֆինանսավորվելու 17 թվականի բյուջեով, ձեզ համար տարբերությունն ակնհայտ կլինի»,- նշեց Հարությունյանը:
Հետևեք մեզ Viber-ում
