Նոր մանրմասներ Օռլանդոյի հրաձգությունից

RIA Novosti-ի փոխանցմամբ` Օռլանդոյի հրաձգության համար կասկածյալը պաշտոնապես զենք է գնել, Ֆլորիդայում տեղի ունեցած մամլո ասուլիսի ժամանակ հայտարարել է ամերիկյան ATF բյուրոյի ներկայացուցիչը: «ATF-ն հետևել է այդ հրազենին: Մենք գիտենք, որ այդ մարդը գնել է առնվազն երկու միավոր հրազեն: Նա արգելքի տակ չի եղել: Նա օրենքով կարող էր մտնել խանութ և գնել հրազեն»,- ասել է ATF ներկայացուցիչ Թրևոր Վելինորը: Նրա խոսքով` կասկածյալը ատրճանակ և ինքնաձիգ է գնել վերջին շաբաթում: