Քաղաքական մթնոլորտը փոքր-ինչ լարված էր.Աղվան Վարդանյան
ԱԺ ճեպազրույցների ժամանակ ՀՅԴ խմբակցության քարտուղար Աղվան Վարդանյանը հայտարարեց.«Վերջին շրջանում քաղաքական մթնոլորտը փոքր-ինչ լարված էր, ինչը պայմանավորված էր նախընտրական շրջանով:Որոշ քաղաքական ուժեր արդեն նախընտրական փուլում են, անընդհատ խոսում են, ինչ-որ հայտարարություններ անում: Անընդհատ խոսելը մենք չենք համարել արդյունավետ եղանակ և նախընտրել ու գերադասել ենք հանգիստ աշխատել»:
Նա շնորհավորեց լրագրողներին ԱԺ նստաշրջանի ավարտի կապակցությամբ:
«Ավելի հանգիստ նստաշրջան էր, շատ բուռն էր, ու նախընտրական, իսկ ամենակարևորը՝ լրագրողները լուրջ վնասվածքներ չստացան», - ասաց նա:
Հարցին, թե քաղաքական ուժերը վնասվածքներ ստացե՞լ են, Ա.Վարդանյանը հավելեց, որ քաղաքական գործիչների աշխատանքը շատ ավելի բարդ է, քան՝ լրագրողներինը:
Նրա խոսքով՝ քաղաքական գործիչները վնասվածքներ ստանում են ամեն օր.«Քաղաքական գործիչները, եթե վնասվածքներ են ստանում, ապա ստանում են իրենց ամենօրյա աշխատանքի, վարվելակերպի, կեցվածքի ու հայտարարությունների համար»:
Հարցին՝ ՀՀԿ-ի հետ համաձայնագիր կնքելով վնասվածք ստացե՞լ են, Ա.Վարդանյանը պատասխանեց դրական:
«Մի խոսք ասացի ու սևեռվեցիք: Համաձայն չեմ նման աշխատանքի հետ. դա ձեր աշխատանքն է ու Ձեր իրավունքը: Ինչ վերաբերում է համաձայնագրին, այո, ստացել ենք և ամեն օր ստանում ենք», - ասաց նա:
Հետևեք մեզ Viber-ում
