Քաղավիացիայի գլխավոր վարչությունը նոր պետ ունի

ՀՀ վարչապետ Հովիկ Աբրահամյանի որոշմամբ` Սերգեյ Ավետիսյանը նշանակվել է Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետ: Այդ մասին ՀՀ վարչապետի որոշումը տեղադրված է կառավարության egov.am կայքում: Մինչ այս Սերգեյ Ավետիսյանը զբաղեցնում էր ՀՀ էկոնոմիկայի նախարարի տեղակալի պաշտոնը, որից ազատման որոշումը ևս առկա է: Հունիսի 7-ին ՀՀ կառավարությանն առընթեր քաղաքացիական ավիացիայի գլխավոր վարչության պետի պաշտոնից ազատվել էր Արտյոմ Մովսեսյանը՝ իր դիմումի համաձայն: Արտյոմ Մովսեսյանը Քաղավիացիայի գլխավոր վարչության պետի պաշտոնը զբաղեցնում էր 2004 թվականից: