«Դուք բեմիկ եք ստեղծում». Հրանտ Բարգարտյան
ՀՀ Կառավարությանն առընթեր Անշարժ գույքի կադաստրի պետական կոմիտեի փոխնախագահ Աշոտ Մուսայանը «Գույքի նկատմամբ իրավունքների պետական գրանցման մասին» ՀՀ օրենքում լրացում կատարելու մասին նախագիծը ներկայացրեց:Նախագծով կարգավորվում են համայնքներին կամ պետությանը սեփականության իրավունքով պատկանող գույքի նկատմամբ իրավունքի փոխանցումը պետությանը կամ համայնքին՝ առանց միջանկյալ գրանցումների: «Անընդհատ կառավարությունից լսում ենք, որ պետք է կոռուպցայի դեմ պայքարի, սակայն այս օրինագիծը երկրորդ հարթություն է նախատեսում և պետության համար ուրիշ կարգ է սահմանվում, որը բերելու է միլիոնավոր, միլիարդավոր դրամի չարաշահումների: Վարչապետը, այ էդտեղ, որտեղ Դուք կանգնած եք, քանի անգամ ասել է` մենք պայքարում ենք կոռուպցիայի դեմ: Ստացվում է, հենց վարչապետն այդ ամբիոնից իջնում է, դուք լրիվ հակառակն եք ուզում անեք: Չէ՞, որ կոռուպցիայի դեմ պաքարող իշխանության համար հարթությունները մեկը պետք է լինեն, բեմ չպետք է լինի, տնտեսական բեմ չպետք է լինի, դուք տնտեսական բեմ եք ստեղծում, կամ բեմիկ: Մի՞թե սա ճիշտ է»,- հայտարարեց Հրանտ Բագրատյանը: Ա.Մուսայանը պատասխանեց, թե վարչապետի հայտարարած կոռուպցիայի դեմ պայքարն իրականացվում է և այս նախագիծն էլ լրացնում է այն, քանի որ օրինակ, քաղաքաշինական որևէ աշխատանք կարող է իրականացվել միայն նախագծի դեպքում:
Հետևեք մեզ Viber-ում
