Հայաստանն այսօր պատրաստ չէ համայնքների խոշորացմանը.Լյովա Խաչատրյան
ԱԺ պատգամավոր Լյովա Խաչատրյանը Հայելի ակումբում լրագրողների հետ հանդիպմանը հայտարարեց,որ գուցե համայնքների խոշորացմանն այլընտրանք չկա, սակայն հստակ պետք է պատկերացնել՝ ինչ դժվարությունների ենք հանդիպելու այդ ճանապարհին: Իսկ խնդիրները բազմաթիվ են՝ սկսած հողային տարածքներից, վերջացրած համայնքերի ղեկավարին դիմելու հասանելիությամբ: «Երբ բարեփոխումների ես գնում, պետք է հետ հայացք նետես՝ կանխատեսելու՝ ինչ խնդիրներ են քեզ այդ բարեփոխումների ճանապարհին սպասվում: Իհարկե, համայնքները պետք է խոշորացվեն, սակայն պետք է հասկանանք՝ դրանով ինչ խնդիր ենք լուծում: Համայնքների խոշորացման դեպքում գյուղացին իր հարցերը պետք է լուծի ամեն անգամ 10-15 կմ կտրելով և համայնքի ղեկավարին հասնելով, իսկ դրա համար նաև ֆինանսական միջոցներ են անհրաժեշտ:Սա ժամանակավրեպ ծրագիր է, քանի որ յուրաքանչյուր գյուղացու լրացուցիչ ծախսերի տակ է դնում: Մարդիկ բենզին չունեն հիվանդանոց հասնելու համար, ուր մնաց՝ ամեն պատեհ-անպատեհ առիթով հասնեն հարևան համայնք՝ համայնքապետին հանդիպելու: Հայաստանն այսօր պատրաստ չէ համայնքների խոշորացմանը, դրա արդյունքում նաև բազմաթիվ գործազուրկ գյուղապետներ են լինելու: Սա էլ առանձին խնդիր է»,- ասաց նա:
Հետևեք մեզ Viber-ում
