Սամվել Բաբայանը Ղարաբաղ է մեկնում ՊՆ պաշտոնը ստանձնելու համար. Haqqin.az/տեսանյութ/
Ադրբեջանում տագնապ է. Haqqin.az-ը գրում է, թե առաջիկա կիրակի օրը ԼՂՀ պաշտպանության նախկին նախարար Սամվել Բաբայանը կմեկնի Ստեփանակերտ: Վկայակոչելով ԼՂՀ պատգամավոր Հայկ Խանումյանի խոսքը «Ազատություն» ռադիոկայանին տված հարցազրույցից, կայքը գրում է, որ մոտ ժամանակներս նա կստանա ԼՂՀ բանակի հրամանատարի պաշտոնը: Հիշեցնենք,որ Ղարաբաղի խորհրդարանի ընդդիմադիր պատգամավոր Հայկ Խանումյանը չի բացառել, որ առաջիկայում Ղարաբաղի պաշտպանության նախկին նախարար Սամվել Բաբայանը Արցախի զինված ուժերում պաշտոն ստանա: «Այո, ես չեմ բացառում, ավելին, մենք ձգտում ենք նրան, որ Սամվել Բաբայանն Արցախում դառնա Պաշտպանության բանակի հրամանատար, պաշտպանության նախարար»,- «Ազատությանն» ասել է Խանումյանը: Ի պատասխան մեր հարցին՝ արդյո՞ք Արցախի ռազմական ղեկավարությունը կողմ է, որ Սամվել Բաբայանը կրկին ստանձնի Լեռնային Ղարաբաղի պաշտպանության նախարարի պաշտոնը, ընդդիմադիր պատգամավոր Հայկ Խանումյանը նշել է , թե նման որոշում կայացնելու իրավասություն ունի միայն Ղարաբաղի նախագահ Բակո Սահակյանը: Խանումյանն, այդուհանդերձ, չի բացառել նման նշանակման հնարավորությունը՝ «Առաջիկայում կտեսնենք, տեսականորեն դա բացառված չէ»: Վերջերս արտերկրից Հայաստան վերադարձած Սամվել Բաբայանն այս կիրակի այցելելու է Ստեփանակերտ: Սպասվո՞ւմ է, որ նա հանդիպուներ կունենա ԼՂ ղեկավարության հետ, այս հարցին ի պատասխան, ընդդիմադիր պատգամավորը նշել է՝ այդ հարցերը կհստակեցվեն Բաբայանի՝ Ղարաբաղ ժամանելուց հետո միայն:
Հետևեք մեզ Viber-ում
