Բինալի Յըլդըրըմն այսօր Ադրբեջանում կքննարկի ԼՂ հարցը
Թուրքիայի վարչապետ Բինալի Յըլդըրըմը ուրբաթ մեկօրյա պաշտոնական այց կկատարի Ադրբեջան՝ հայտնում է TASS-ը: Դիվանագիտական աղբյուրների տեղեկությամբ՝Թուրքիայի վարչապետը կբանակցի Ադրբեջանի նախագահ Իլհամ Ալիևի, նաև իր ադրբեջանցի գործընկեր Արթուր Ռասիզադեի հետ: Սպասվում է, որ Յըլդըրըմն Ադրբեջանի ղեկավարության հետ կքննարկի երկկողմ հարաբերությունների ամբողջ սպեկտրը՝ երկու երկրների կողմից էներգետիկ և տրանսպորտային ոլորտներում իրականացվող նախագծերի շեշտադրմամբ: Խոսքը, մասնավորապես, վերաբերելու է «Անդրանատոլիական» (TANAP) գազատարի և «Բաքու-Թբիլիսի-Կարս» (ԲԹԿ) երկաթուղու նախագծերին: Ենթադրվում է, որ բանակցությունների թեմաներից կլինի նաև Ադրբեջանի և Թուրքիայի առևտրային կապերի ակտիվացումը: Բանակցությունների ընթացքում կքննարկվի նաև ԼՂ հակամարտության սրման շուրջ իրավիճակը: Նկատի ունենալով, որ այցը կլինի երեկ Բունդեսթագում Հայոց ցեղասպանության ճանաչման բանաձևի ընդունման հետ կապված Թուրքիայի և Գերմանիայի հարաբերությունների լարվածության ֆոնին՝ վերլուծաբանները ենթադրում են, որ այդ թեման ևս կքննարկվի հանդիպման ժամանակ:
Հետևեք մեզ Viber-ում
