Ավտովթար Երևանում.19-ամյա վարորդը <<Յաշիկով>> բախվել է տաքսի ավտոմեքենային , որի մեջ եղել է իր քույրը
Երեկ` մայիսի 30-ին, ավտովթար է տեղի ունեցել Երևանում: Ժամը 22:00-ի սահմաններում Հաղթանակ կամրջի և Արգիշտիի փողոցի խաչմերուկում՝Մետրոպոլ հյուրանոցի դիմաց, բախվել են Արարատի մարզի Բերդիկ գյուղի բնակիչ 19-ամյա Հարություն Թասալյանի վարած Mercedes մակնիշի 01 PO 015 համարանիշի և Էջմիածին քաղաքի բնակիչ 37-ամյա Հակոբ Գևորգյանի վարած Volkswagen մակնիշի 34 PV 050 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը բախման հետևանքով Volkswagen-ի ուղևորուհին տեղափոխվել է «Սուրբ Աստվածամայր» բժշկական կենտրոն: Դեպքի վայր են ժամանել ճանապարհային ոստիկանության 1-ին սպայական գումարտակի 2-րդ դասակի աշխատակիցները դասակի հրմանատար Թագվոր Թագվորյանի գլխավորությամբ: Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Երևանի քննչական վարչություն, որտեղից ժամանել է քննիչ Հրանտ Պետրոսյանը, ում կողմից փաստի առթիվ նյութեր են նախապատրաստվում: Քննիչի հանձնարարականով ավտոմեքենան տեղափոխվել է Երևանի ՃՈ պահպանվող հատուկ տարածք: Գ. Շամշյանի տեղեկություններով Volkswagen-ի ուղևորուհին եղել է Mercedes-ի վարորդի քույրը:
Հետևեք մեզ Viber-ում
