Հետ գալով չէ, Վարդան Մամիկոնյանն էլ, որ գար, լավ կլիներ.Ազատ Արշակյանը՝Ս.Բաբայանի վերադարձի մասին

ԳԽ նախկին պատգամավոր Ազատ Արշակյանը, Հայելի ակումբում հրավիրված ասուլիսում, անդրադառնալով Սամվել Բաբայանի վերադարձին` ընդգծեց, որ դա այս պահին օրակարգային հարց չէ, քանի որ հիմա էլ ունենք հրաշալի հրամանատարներ: «Հետ գալով չէ, Վարդան Մամիկոնյանն էլ, որ գար, լավ կլիներ: Սամվել Բաբայանը հրաշագործ չէ, նա ընդամենը վետերան է: Որպես վետերանի` ասում եմ` բարի գալուստ»,- ասաց Արշակյանը: Ըստ նրա` այս պահին էլ գեներալները քիչ են աղմկում, պետք է ձեռքը խփեն սեղանին, պետք է  ռազմաճակատի համար պահանջեն անհրաժեշտ մատակարարում: «Գեներալ Մանվելը թատերական գեներալ է, գեներալի կոչումը նրան նվեր են տվել: Եթե նրա նման բժիշկ լիներ, կհամաձայնեի՞ք Ձեր երեխային նրա մոտ տանել` բուժելու»,- վրդովված հարցադրում արեց Արշակյանը` խոսքն ուղղելով ասուլիսի մեկ այլ բանախոս ՀՀԿ-ական Մկրտիչ Մինասյանին:- «Համաձա՞յն եք, որ ոնց որ նա գեներալ է, այդպիսի բժիշկի մոտ գնայիք բուժվելու: Կուզենայի՞ք նրա նման օդաչուի հետ օդ բարձրանալ, եթե նա չգիտի` ինչ է օդանավը: Նրանք աղախիններ են տանում դիրքեր, «Համեր»-ներ և այլն: Թող հանգիստ մնան, պրոֆեսիոնալ բանակին չխանգարեն: Գեներալ Մանվելն ամեն ինչ ունի, թող վայելի, բայց պրոֆեսիոնալ զինծառայողներին թող չխանգարի»: