Շղթայական ավտովթար Երևանում. վիրավորների մեջ է ՀՀ վերահսկիչ պալատի 1-ին վարչության պետը

Հայաստանի քննչական կոմիտեի Երևանի քննչական վարչության քննիչ Գեղամ Գալստյանի կողմից նյութեր են նախապատրաստվում երեկ` մայիսի 26-ին Երևանում տեղի ունեցած շղթայական ավտովթարի փաստով: Ժամը 12:20-ի սահմաններում Արշակունյաց պողոտայի թիվ 270/1 հասցեի դիմաց բախվել են Երևան քաղաքի Դավիթաշեն 21-րդ թաղամասի բնակիչ, 22-ամյա Ալիկ Տեր- Թովմասյանի վարած Volkswagen մակնիշի 34 CQ 459 համարանիշի և Արտաշատ քաղաքի բնակիչ, 57-ամյա Գագիկ Բեգլարյանի վարած Toyota մակնիշի 444 ՕՕ 02 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարից հետո Volkswagen-ը դուրս է եկել հանդիպակաց երթևեկելի գոտի և բախվել Մասիս քաղաքի բնակիչ, 30-ամյա Վարդան Մաիլյանի վարած Opel մակնիշի 34 TQ 634 համարանիշի ավտոմեքենային: Վթարի հետևանքով Opel-ի վարորդ Վ. Մաիլյանը, ուղևորներ, Նորագավիթ 9 փողոցի բնակիչ, 39-ամյա Արտակ Գրիգորյանը և Մասիս քաղաքի բնակիչներ, 34-ամյա Ռիմա Աղախանյանը, 53-ամյա Սոֆիկ Օհանյանը, վարորդներից Վ. Մաիլյանն ու Ա. Գրիգորյանը տեղափոխվել են Էրեբունի բժշկական կենտրոն, իսկ Ռ. Աղախանյանը և Ս. Օհանյանը ` Երևան բժշկական կենտրոն: Ֆոտոլրագրողի տեղեկություններով` վարորդներից Գ. Բեգլարյանը աշխատում է ՀՀ վերահսկիչ պալատում` որպես 1-ին վարչության պետ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դտավճռով: