Ադրբեջանում ավարտվել են սահմանապահ ծառայության զորավարժությունները

Ադրբեջանական APA գործակալության հաղորդմամբ՝ համաձայն 2016թ. ռազմական պատրաստության ծրագրի, մայիսի 17-19-ը «Աղգյոլ» ուսումնական կենտրոնում արագ արձագանքման ուժերի և ավիացիայի ուժերի օգնությամբ անցկացվել են լայմանասշտաբ տակտիկական զորավարժություններ: Զորավարժությունները կրել են «Թշնամու հարձակման կանխարգելումը, որը խախտել է Ադրբեջանի պետական սահմանը» խորագիրը: Երեք փուլով անցկացված զորավարժությունների ժամանակ վնասազերծվել է պայմանական հակառակորդի՝ Ադրբեջանի սահմանը խախտած զորամիավորումը, վերականգնվել է երկրի պետական սահմանը: Զորավարժությունների ժամանակ մշակվել են ավիացիայի և արագ արձագանքման ուժերի գործողությունների կոորդինացման աշխատանքներ, իրականացվել են մարտական կրակոցներ, զենիթային սարքերից արձակվել են հրթիռներ, ուղղաթիռներից, ականանետներից, խոշոր տրամաչափի գնդացիրներից ու նռնականետներից ևս հարվածներ են իրականացվել: