Միգրացիոն ճգնաժամը համերաշխության խնդիր է.Պան Գի Մուն
ՄԱԿ-ի գլխավոր քարտուղար Պան Գի Մունը կարծիք է հայտնել , որ Եվրոպայում միգրացիոն ճգնաժամը պայմանավորված է երկրների անբավարար համերաշխությամբ, այլ ոչ թե փախստականների մեծ քանակով: Ըստ նրա՝ պատասխանատվության արդարացի բաշխման դեպքում ոչ մի ճգնաժամ էլ չէր լինի ընդունող երկրների համար: «Փախստականների գրեթե 90 տոկոսն ապաստան է գտել զարգացող երկրներում: Ութ երկրներ ընունում են ամբողջ աշխարհում փախստականների ընդհանուր թվի ավելի քան կեսը: Այն միջոցների 75 տոկոսը, որոնք ՄԱԿ-ն ուղղորդում է նրանց աղետալի վիճակի թեթևացման և կարգավորման նպատակներով, տրամադրվում են ընդամենը տասը երկրների կողմից»,- «Կոմերսանտի» համար գրված իր հոդվածում «Մենք օգնություն ցույց տալու միջոցներ ունենք և գիտենք, թե ինչ պետք է անենք փախստականների և միգրանտների վիթխարի հոսքերից գլուխ հանելու համար: Սակայն շատ հաճախ մեզ խանգարում են վախը և անգիտությունը: Մարդկանց պահանջմունքները հետ են մղվում երկրորդ պլան, և օտարատյացության ձայնն ավելի բարձր է հնչում, քան բանականության ձայնը»,- հայտնել է Պան Գի Մունը։
Հետևեք մեզ Viber-ում
