Սերժ Սարգսյանը նախ կհանդիպի Մոգերինիի ու Քերիի հետ

Սերժ Սարգսյանի գլխավորած պատվիրակությունը ժամանել է Ավստրիայի մայրաքաղաք Վիեննա։ a1plus.am-ի հաղորդմամբ՝ այստեղ ԵԱՀԿ Մինսկի խմբի համանախագահողների նախաձեռնությամբ նախատեսված են մի շարք աշխատանքային հանդիպումներ: Այսօր, Երևանի ժամանակով 19.00-ին Սերժ Սարգսյանը կհանդիպի Եվրոպական հանձնաժողովի փոխնախագահ, անվտանգության և արտաքին հարաբերությունների հանձնակատար Ֆեդերիկա Մոգերինիի հետ, ապա՝ ԱՄՆ պետքարտուղար Ջոն Քերիի հետ։ Ըստ տեղեկությունների, այս հանդիպումներից հետո միայն պարզ կդառնա՝ արդյո՞ք Սերժ Սարգսյանը հանդիպելու է Ադրբեջանի նախագահ Իլհամ Ալիևի հետ, թե ոչ։   Լուսանկարը՝ Արտակ Ալեքսանյանի Թվիթերից