Էրդողանի վարքը կարող է ձախողել. L’Express

Թուրքիայի նախագահ Ռեջեփ Թայիփ Էրդողանի վարքը կարող է ձախողել ԵՄ-ի հետ փախստականների վերաբերյալ համաձայնագրի իրագործումը Այս մասին գրում է ֆրանսիական L’Express-ը։ Էրդողանի հետ վիզային համաձայնագիր կնքելով, եվրոպացիները առանցքային պայման են դրել՝ մեղմացնել հակաահաբեկչական օրենքը, որը, իրենց կարծիքով, չի հմապատասխանում ժողովրդավարության եվրոպական չափանիշներին։ Բայց այդ պայմանն Էրդողանը մերժել է։ «Այդ որ ժամանակներցի եք կառավարում մեր եկրկիրը, ով է ձեզ նման իրավունք տվել»,-հայտարարել է Էրդողանը Անկարայում տեղի ունեցած քննարկման ժամանակ։ Նրանք, որոնք ուզում են պայքարել ահաբեկչության դեմ, բայց դա անթույլատրելի են համարում մյուսների համար, երեսպաշտություն են անում, հայտարարել է նա։ Եվրահանձնաժողովի նախագահ Ժան Կլոդ Յունկերը նախազգուշացրել է Թուրքիային. «Մենք կարեւորություն ենք տալիս նրան, որ նախատեսված պայմանները կատարվեն, հակառակ դեպքում համաձայնությունը չի կայանա»,-նշել է նա։ Եվրոպացիները մտավախություն ունեն, որ թուրքական օրենքը կկիրառվի խոսքի եւ մամուլի ազատությունը սահմանափակելու համար, որոնք առանց այդ էլ Էրդողանը բավական սահմանափակել է։ Գերմանիան ամենից շատ ունի Թուրքիայի օգնության կարիքը, քանի որ 2015-ին ընդունել է ռեկորդային թվով փախստականների՝ մոտ 1 մլն։ Կանցլեր Մերկելը կոչ է արել արագացնել բանակցությունները, սակայն գերմանացի նախարարները հրաժարվել են այդքան զիջող լինել։ «Եթե Թույրքիայի նախագահը չի ուզում կամ չի կարող կատարել պայմանները, չի կարելի վիզաների հարցում թույլտություն տալ»,-հայտարարել է փոխկանցլեր Զիգմար Գաբրիելը։