Քերին կմասնակցի Սարգսյան-Ալիև հնարավոր հանդիպմանը

ԱՄՆ պետքարտուղարության հաղորդագրության համաձայն՝  Ամերիկայի Միացյալ Նահանգների պետքարտուղար Ջոն Քերին Ավստրիա կատարելիք այցի շրջանակներում կմասնակցի Լեռնային Ղարաբաղի հակամարտության առնչությամբ Հայաստանի և Ադրբեջանի նախագահների հնարավոր հանդիպմանը: Մայիսի 15-16-ին նա կլինի Սաուդյան Արաբիայի Ջադա քաղաքում երկրի կառավարության պաշտոնյաների հետ քննարկելու երկկողմ ու տարածաշրջանային խնդիրները: Մայիսի 16-17-ին կայցելի Ավստրիայի մայրաքաղաք Վիեննա, որտեղ նա կմասնակցի Լիբիայի հարցով Իտալիայի արտաքին գործերի ղեկավարի հետ նախարարական հանդիմանը: Նա նաև կմանակցի Սիրիայի աջակցման միջազգային խմբի նախարարական հանդիմանը, որպեսզի հաստատեն հրադադարի ռեժիմի պահպանման անհրաժեշտությունը, քննարկեն հումանիտար աջակցությունը երկրի բոլոր տարածքներում բնակվողների հասցնելու եղանակները, ինրպես նաև քաղ աքական բանակցություններին արագ ընթացք տալու ուղիները: Ռուսաստանի ու Ֆրանսիայի հետ ԱՄՆ-ն կհյուրընկալի Լեռնային Ղարաբաղի հակամարտության առնչությամբ Հայաստանի և Ադրբեջանի նախագահների հանդիպումը: Մայիսի 18-21-ին Քերին կլինի Բրյուսելում, մայիսի 22-ին` Բուրնայում, իսկ նույն ամսի 22-25-ին կայցելի Վիետնամ, ուր կմիանա նախագահ Օբամայի գլխավորած պատվիրակությանը ,-ասված է հաղորդագրության մեջ: