Ադրբեջանցիները ներխուժել են ռինգ և փորձել հաշվեհարդար տեսնել հաղթող արցախցի մարզիկի հետ/տեսաշար,տեսանյութ/

Քունկ ֆուի Հայաստանի ֆեդերացիայի նախագահ Սարգիս Հարությունյանը մեզ հետ զրույցում պատմեց,որ այսօր  տհաճ միջադեպ է գրանցվել  Ուկրաինայի Լվով քաղաքում ,որտեղ մայիսի 12-15-ն ընթանում է  Եվրոպայի Քունկ ֆուի առաջնությունը: Նշենք,որ առաջնությանը մասնակցում են նաև Հայաստանի և Ադրբեջանի Քունկ Ֆուի ֆեդերացիաների հավաքականները: «Հայ մարզիկներից Աշոտ Հարությունյանը մենամարտել է ադրբեջանցի մարզիկի հետ ու պարտության մատնել նրան: Մեկ այլ մենամարտում ևս մրցակիցները եղել են հայ և ադրբեջանցի մարզիկները: Այս մրցապայքարի վերջում ևս երբ ակնհայտ էր արցախցի մարզիկ Դավիթ Պետրոսյանի հաղթանակը,ով ի դեպ  ապրիլյան պատերազմի ժամանակ ադրբեջանական 5 տանկ և 1 ՀՄՄ խոցած ժամկետային զինծառայող Մարատ Պետրոսյանի ավագ եղբայրն է, Ադրբեջանի թիմի մարտավկան փորձում է հարվածել հայ մարզիկին: Սադրանքին միանում է նաև ադրբեջանցի մարզիկը, որը ռինգի մեջ թիկունքից հարվածում է Դավիթ Պետրոսյանին: Այնուհետև ադրբեջանական թիմի մարզիչներն ու մարզիկները` մոտ 30-ից ավելին մեծահասակ, մահակներով հարձակվում են մեր հավաքականի 11` որից 7 անչափահաս,  անդամաների վրա: Եվ այստեղ ել նույնիսկ 12-ամյա հայ մարզիկը այնպես էր կռիվ տալիս իրենից 3-4 անգամ մեց ազերիների հետ, կարցես իրենց հասակակիցը լիներ և մի բան ել ավելին», - ասաց Քունկ ֆուի Հայաստանի ֆեդերացիայի նախագահ Սարգիս Հարությունյանը: Նրա խոսքով, տպավորություն էր, թե նախապես ծրագրված է եղել այդ սադրանքը ու դրա համար են ազերիներն իրենց հետ դահլիճ բերել մահակներ: «Հիստերիայի մատնված ադրբեջանցիները նույնիսկ հարվածել են Եվրոպայի Քունկ Ֆուի ֆեդերացիայի նախագահ Նիկոլայ Մատուլյովսկուն, ով փորձել է մարմնով փակել արցախցի 12-ամյա մարզիկին», - նշեց Ս.Հարությունյանը: Ստեղծված իրարանցմանն ու ծեծկռտուքին միջամտել են անվտանգության աշխատակիցները: Նման անվայել պահվածքի համար ադրբեջանական թիմը նկատողություն է ստացել ու որակազրկվել: