«Թե ինչ եղավ, երբ շաքարամանից մի կտոր շաքար պակասեց» ստեղծագործության հեղինակը Նար-Դոսն է, ոչ թե Թումանյանը. հուշում վարչապետին

Կառավարության հերթական նիստին ՀՀ վարչապետ Նիկոլ Փաշինյանը նշեց, որ ՀՀ որևէ քաղաքացու նկատմամբ բռնություն չպետք է կիրառվի, և եթե երեխաների, կանանց նկատմամբ բռնություն կիրառվի, պետությունը միջամտելու իրավունք ունի: «Ինձ երբեմն դուր չի գալիս մեր կեցվածքը որոշ հարցեր վերաբերյալ: Օրինակ՝ ՀՀ-ում մարդիկ բռունցք են թափահարում, թե այս դավադիր կառավարությունը ուզում է Ստամբուլյան կոնվենցիան վավերացնել, գուցե դա այդ կոնվեցիայի տեղորոշման հետ է կապված»,-ասաց նա և հավելեց, որ պետք է հստակ արձանագրենք, որ ՀՀ-ում բռնությունը կոռուպցիայի նման պետք է արմատախիլ արվեն: «Անկախ որևէ կոնվեցիայից, ՀՀ-ում որևէ մեկի նկատմամբ բռնություն չպետք գործադրվի:»,-հավելեց նա:

«Ասենք, օրինակ, ասում են՝ էս ինչ խմբին պետք է կոտորել, դա բռնության կո՞չ է»,-հարցրեց նա, և նշեց, որ Հովհաննես Թումանյանը հայտնի պատմվածք ունի «Թե ինչ եղավ, երբ շաքարամանից մի կտոր շաքար պակասեց»: Նա պատմեց, թե մուշտիի արդյունքում օբյեկտը մահացել էր, քանի որ ընտանիքում առանց սկեսուրի թույլտվության շաքարամանից շաքար էր վերցրել և մուշտի էր ստացել:

Նրա այս մեջբերումից հետո վարչապետին հիշեցրին, որ պատմվածքի հեղինակը ոչ թե Հովհաննես Թումանյանն է, այլ Նար-Դոսը: