Ի՞նչ գաղտնիք է թաքնված զենքի մատակարման տենդերի տեղեկատվական գրոհի տակ

Այսօր ռուսաստանյան РИА "Новости" լրատվական գործակալությունը հայտնել է, որ ՌԴ-ն բողոքի նոտա է հղելու Հայաստանին՝ ռուսաստանյան ORSIS զինագործական ընկերության մասնակցությամբ տենդերի չեղարկման կապակցությամբ: Ըստ գործակալության, ՌԴ արդյունաբերության և առևտրի փոխնախարար Օլեգ Ռյազանցևը հոկտեմբերի 22-ին ստորագրել է նոտան, և այն դիվանագիտական խողովակով հղվելու է Հայաստանի պաշտպանության նախարար Դավիթ Տոնոյանին՝ խնդրանքով՝ կարգավորել ORSIS ընկերության շուրջ ստեղծված իրավիճակը:

Հրաձգային զինատեսակներ արտադրող ORSIS ընկերությունը "Промтехнологии" ընկերությունների խմբի անդամ է: Այս օգոստոսին հայտնի դարձավ, որ ORSIS-ը դատի է տվել Հայաստանի պաշտպանության նախարարությանը՝ զենքի մատակարման տենդերը առանց հիմնավորման չեղարկելու համար:

Նկատենք, որ Հայաստանի քննչական կոմիտեն հաստատել էր, որ ռուսաստանյան ընկերությունը դատի է տվել Հայաստանի պաշտպանության նախարարությանը: Ըստ պաշտոնական հաղորդագրության, հարուցվել է քրեական գործ՝ «ծառայության նկատմամբ պաշտոնատար անձի անփույթ վերաբերմունքի հատկանիշներով»:

РИА "Новости"-ն նշում է, թե տիրապետում է փաստաթղթի պատճենին, ուր նշված է, որ Հայաստանի պաշտպանության նախարարության հայտարարած տենդերին ORSIS-ի հայտը «առանց հիմքերի մերժվել է», իսկ ընկերությունը առանց որևէ հիմքի ներառվել է Հայաստանի պաշտպանության նախարարության անբարեխիղճ մատակարարների ցանկում: Բացի այդ, Հայաստանի պաշտպանության նախարարությունը «ապօրինի կերպով դիմել է բանկ՝ պահանջելով վճարել տենդերին մասնակցելու բանկային երաշխիքը», չնայած, ըստ լրատվական գործակալության, ընկերությունը պետք է փոխհատուցում վճարեր, եթե շահեր տենդերը, սակայն հրաժարվեր մատակարարման պայմանագիր կնքել: «Խնդրում եմ Ձեզ դիտարկել ստեղծված իրավիճակը և միջոցներ ձեռնարկելու կարգադրություններ տալ՝ ուղղված իրավիճակի կարգավորմանը», - ասված է բողոքի նոտայում:

Հրաձգային զինատեսակներ արտադրող ORSIS ընկերությունը "Промтехнологии" ընկերությունների խմբի անդամ է: Այս օգոստոսին հայտնի դարձավ, որ ORSIS-ը դատի է տվել Հայաստանի պաշտպանության նախարարությանը՝ զենքի մատակարման տենդերը առանց հիմնավորման չեղարկելու համար: Այն ժամանակ РИА "Новости"-ն գրեց, որ մայիսին Հայաստանի պաշտպանական գերատեսչությունը զենք-զինամթերքի մատակարարման մի քանի միլիոն դոլարանոց մրցույթ է հայտարարել, որի պահանջներին իբրև թե բավարարել է միայն ռուսական ընկերությունը, սակայն շուտով մրցույթը չեղարկվել է՝ առանց պատճառների բացատրության: ORSIS-ը դիմել է բողոքարկման հանձնաժողով, իրավաբանն էլ հայց է ներկայացրել, կատարվածի մասին տեղեկացվել է նաև Հայաստանում Ռուսաստանի ռազմական կցորդը:

Ըստ լրատվական գործակալության, ORSIS-ի՝ Հայաստանում գրանցված ռեզիդենտ ընկերությունը մի քանի տարի շարունակ Երևանին զենք է մատակարարել, փամփուշտներ ու տեխնիկական այլ միջոցներ:

Ավելի վաղ հետաքննող լրագրողները ծավալուն հոդված էին հրապարակել այս ընկերության մասին, պնդելով, թե այն կապվում է Ռուսաստանի նախկին փոխվարչապետ, ժամանակին Ադրբեջանին ռուսական զենքի վաճառքը համակարգող Դմիտրի Ռոգոզինի հետ:

Հայաստանի քննչական կոմիտեն հաստատել էր, որ ռուսաստանյան ընկերությունը դատի է տվել Հայաստանի պաշտպանության նախարարությանը: Ըստ պաշտոնական հաղորդագրության, հարուցվել է քրեական գործ՝ «ծառայության նկատմամբ պաշտոնատար անձի անփույթ վերաբերմունքի հատկանիշներով»: Պաշտպանության նախարարության խոսնակ Արծրուն Հովհաննիսյանը «Ազատության» հետ զրույցում այն ժամանակ խուսափել էր մեկնաբանություններից:

Սակայն քիչ առաջ ՏԱՍՍ-ի աղբյուրը հայտնել է, որ ԶԼՄ-ներում տարածված տեղեկությունները, թե Ռուսաստանը բողոքի նոտա է հղել Հայաստանին՝ զենքի վաճառքի մրցույթի տապալման պատճառով, իրականությանը չի համապատասխանում: Այս մասին «Այս հաղորդագրությունն իրականությանը չի համապատասխանում», - ասել է աղբյուրը գործակալության հետ զրույցում:

Իր հերթին «Սպուտնիկ Արմենիային» Հայաստանի արտաքին գործերի նախարարի խոսնակ Աննա Նաղդալյանը հայտնել է, որ ՀՀ ԱԳՆ-ն Ռուսաստանի ԱԳՆ-ի կողմից բողոքի որևէ նոտա չի ստացել:

Ինչ-որ գործընթաց, կարծես, այնուամենայնիվ եփվում է արդեն որոշակի ժամանակ: Ըստ երևույթին ռուսական կողմը որոշակի անհանգստություններ, մտահոգություններ ունի հայկական կողմի հետ կայացրած գործարքների մանրամասների հետ:

Հայ-ռուսական հարաբերություններին այս փուլում մի խնդրի ավելացնումն էլ կլիներ ամենաանցանկալի տարբերակը: Թե ինչ քայլեր են ձեռնարկում հայկական և ռուսական կողմերը անհարթությունը լուծելու համար՝ ցույց կտա ժամանակը:

Մետաքսյա Շալունց