4 անգամ՝ պարգևավճար, ամսական 240 լիտր բենզինի կտրոն, ծառայողական մեքենա՝ ընտրվելուց ի վեր ՍԴ որևէ նիստի չմասնակցած Վահե Գրիգորյանին

13:13 - 23/հոկտեմբերի/2019

Դիտել նաև Գյումրիում տեղի է ունենում Նիկոլի կողմից ՏԻՄ-ի զավթման փոքրիկ գործընթաց․ Վահե Սարգսյան Այս իշխանությունը ինքը չէր լինի, եթե չփորձեր Գյումրիում մի կեղտոտ բան անել Վահե Հովհաննիսյան մենք չենք հարստանում,դուք եք հարստանում միլիոնավոր դրամ ռոճիկներով, նույնքան պարգևավճարներով․ լրագրող ՄԻԵԴ դատավոր դառնալու պայմանը՝ ՍԴ որոշումը. ինչպես Վահե Գրիգորյանը հարթեց իր ճանապարհը Ստրասբուրգի համար և Ստրասբուրգում

ՍԴ դատավոր Վահե Գրիգորյանը, որն Ազգային ժողովում 2019 թվականի հունիսի 20-ին ՍԴ դատավոր ընտրվելու օրը հայտարարեց, որ Սահմանադրական դատարան է մտնում՝ որպես այդ դատարանի նախագահ, պաշտոնը ստանձնելուց մինչև հոկտեմբերի 19-ն ընկած ժամանակահատվածը չի մասնակցել որևէ նիստի և որևէ գործով չի հանդիսացել զեկուցող դատավոր։ Վահե Գրիգորյանն իր բացակայությունների հարգելիության վերաբերյալ նաև չի ներկայացրել որևէ տեղեկատվություն։

Այս մասին 168.am-ի գրավոր հարցմանն ի պատասխան՝ հայտնում է ՀՀ Սահմանադրական դատարանի աշխատակազմի ղեկավար Էդգար Ղազարյանը։

Բարձրագույն դատարանից խնդրել էինք նաև պատասխանել հարցին, թե պաշտոնը ստանձնելուց հետո ի՞նչ մակնիշի մեքենա և քանի՞ լիտր բենզինի կտրոն է տրամադրվել ՍԴ դատավոր ընտրված Վահե Գրիգորյանին։

Հարցին ի պատասխան՝ ՍԴ աշխատակազմից հայտնում են, որ Գրիգորյանին նախապես տրամադրվել է ծառայողական մեքենա՝ Hundai Elantra մակնիշի, սակայն որոշակի ժամանակ անց փոխարինվել է մեկ այլ ծառայողական մեքենայով՝ վերանորոգման անհրաժեշտություն առաջանալու պատճառով։

«Յուրաքանչյուր ամսվա կտրվածքով ծառայողական մեքենայի համար Վահե Գրիգորյանին տրամադրվել է 240 լիտր բենզինի համար նախատեսված կտրոն։ Գրիգորյանին տրամադրվել է նաև աշխատասենյակ Սահմանադրական դատարանի շենքում, ինչպես նաև աշխատասենյակի համար նախատեսված գույք՝ ներառյալ կահույք, համակարգչային տեխնիկա, աշխատանքային հեռախոս, որի վճարումները կատարվում են պետական միջոցներով»,-ասված է Սահմանադրական դատարանի աշխատակազմից մեզ տրված պատասխանում։

Իսկ հարցին՝ ՍԴ դատավոր ընտվելուց ի վեր Վահե Գրիգորյանը քանի՞ անգամ է պարգևավճար ստացել, ՍԴ-ից պատասխանել են.

«Գրիգորյանին 4 անգամ տրամադրվել է պարգևավճար»։