Ոչ շահեկան զարգացումներ. Ղարաբաղի հարցում տհաճ անակնկալներ են սպասվում

8:12 - 23/հոկտեմբերի/2019

Դիտել նաև Կիպրոսի ԱԳՆ․ Ադրբեջանը պետք է անհապաղ ապաէսկալացիայի գնա «Խաղաղության դարաշրջանի» մահաբեր ուրվականը Ղարաբաղում հայերը կորցրել են նույնիսկ տարածքային ինքնավարության հավակնելու իրավունքը. Թուրք պատմաբան «Ռազմական լուծում գոյություն չունի». Օ'Բրայանի խիստ արձագանքը ղարաբաղյան հակամարտությանը

«Հրապարակ» թերթը գրում է. «Մինչ մենք զբաղված ենք ներքաղաքական գզվռտոցով, մեր շուրջը կատարվում են իրադարձություններ, որոնք շահեկան չեն մեզ համար։ Եվրոպական խորհրդարանի արտաքին հարաբերությունների հանձնաժողովը Հայաստանի հարցով նոր զեկուցող է նշանակել՝ Ռումինիայի նախկին նախագահ Տրայան Բասեսկուին, որն Իլհամ Ալիեւի ամենամտերիմ մարդկանցից էր ժամանակին եւ «Նաբուկո» գազատարի լոբբիստներից։

Նախագծի տապալումից հետո սերն Ալիեւի հանդեպ թերեւս նվազել է, բայց կապերը պահպանվել են։ Եվրոպական խորհրդարանի հիմնական զեկուցողներն առնվազն տարին մեկ քաղաքական գնահատականներ են ներկայացնում։

Ղարաբաղի հարցում իր բացասական դիրքորոշմամբ հայտնի զեկուցողի պարագայում մեզ առաջիկա 5 տարում տհաճ անակնկալներ են սպասվում եվրապառլամենտի զեկույցներում։ Պատճառը ՀՀ իշխանությունների անգործությունն է։

Պարզվում է՝ մայիսից հետո ձեւավորված Եվրոպական խորհրդարանի հետ ՀՀ ԱԺ-ն ոչ մի պաշտոնական հարաբերություն չի հաստատել՝ աշխատանք չի տարվել, այցեր չեն եղել։ Ո՛չ ԱԳՆ-ն, ո՛չ ԱԺ-ն չեն փորձել կանխել Բասեսկուի նշանակումը»:

Առավել մանրամասն՝ թերթի այսօրվա համարում