Ծովը, փողը, աղջիկներն ու ես

Իշխանության ղեկին կանգնած Նիկոլ Փաշինյանի թիմակիցները լավ չեն հասկանում ինչի համար են <<հավաքվել>>: Նիկոլ Փաշինյանը իր քաղաքականությունը կառուցում է մեկ դատավարության շուրջ, մնացյալը երկրորդական է, բնական է, որ մյուսներն էլ իրենց հիմնական գործը թողած պետք է սեփական նախասիրություններով զբաղվեն: Ահավասիկ` Ազգային ժողովի պատգամավոր, հանրահայտ Հայկ Սարգսյանը, որը գլամուռ հաճույքների սիրահար է, նոր հորիզոններ է փորձում նվաճել: Երիտասարդը տքնել է օրենսդիր մարմնում, հանրօգուտ բազում օրենքներ է գրել, հիմա էլ որոշել է տուրագենտի գործ անել, գովազդել Սեւանը եւ կանչել՝ «Արի Սեւան»։ Նա տեսահոլովակներ է ձայնագրել-տեսագրել՝ անգամ անձնական օրինակն է ցույց տվել՝ Սեւանում, մի խումբ տկլոր ջահելների հետ, լողանալով։ Զբոսաշրջիկներ հրավիրելն, իհարկե, ազգօգուտ աշխատանք է, բայց ի վերջո ՀՀ հպարտ քաղաքացիները նրան գործուղել են խորհրդարան, մանդատ տվել, բարձր աշխատավարձ նշանակել, որ օրենսդրական եւ քաղաքական գործունեությամբ զբաղվի։

Իհարկե, կմեղադրեն շատերը մեզ պատգամավորի կյանքում նման առաջխաղացումը չնկատելու համար, ի վերջո, Հայկ Սարգսյանի դեպքում սա հեղափոխական նորարարություն է. երիտասարդն առանց բոմոնդի ապրել չի կարող, կարող էր չէ՞ գիշերային ակումբներում ու բարերում օրն անցկացնել, բայց մարդն ընտրել է Սեւանի փրկության ճանապարհը: Իհարկե, հարցի մյուս կողմն է, թե նա որ ափն է գովազդում, ինչ հետին մտքերով, չնայած վաղը եթե պարզվի, դա հենց պատգամավորին է պատկանում, կգտնվի մի ընկեր, կամ մորաքրոջ որդի, որ Հայկ Սարգսյանը նրանց վերագրի հայրենի Գեղարքունիքում թանկարժեք սեփականությունը: Ավերոդ է խոսել այն մասին, թե ինչում, ում ապաշնորհ իշխանության ոչ կոմպետենտ պատասխանատուների կառավարման արդյունքում Սեւանը հայտնվեց ոչնչացման շեմին ու հիմա էլ մեծահոգի փրկարարներ են գտնվել, բան ու գործ թողած Սեւանի ճակատագրով են զբաղված:

Եւ այնուամենայնիվ, եթե պատգամավորն անկեղծ որոշել է տրվել այս աշխատանքին եւ էժանագին փիառ քայլ չէ, ապա կհավատանք նրա անկեղծությանը, եթե վայր դնի մանդատն ու լծվի իրեն հոգեհարազատ գործին: Ամեն դեպքում պատգամավորական այս ամիսների ընթացքում Հհայկ Սարգսյանն իր վարքով է ապացուցել, որ իր կյանքում կարեւոր են փողը, ծովը, աղջիկներն ու հաճույքը:

Անի սահակյան