Սուտը,անգրագետ խաբեբայությունն այսօր դարձել է Նիկոլի իշխանության գործելաոճը.Վոլոդյա Հովհաննիսյան

Հարցազրույց պահեստազորի գնդապետ ,ազատամարտիկ Վոլոդյա Հովհաննիսյանի հետ:/Մաս 2-րդ/

-Դուք այն ժամանակ պաշտպանեցիք նաև Սերժ Սարգսյանին,ասացիք՝այս ամենն արվեց իրեն թուլացնելու համար:

-2008 թվականի ապրիլի 11-ին հանձնաժողով է ստեղծվել ՊՆ-ում նախարարի հրամանով՝պարոն Հարությունյանի, ուսումնասիրելու գնդապետ Վոլոդյա Հովհաննիսյանի ծառայողական գործունեությունը: Իմ հայտարարությունից հետո,երբ ես ասել էի, որ այդ բոլորը կազմակերպված է երրորդ ուժի կողմից,որը հարվածում է մեր պետականությանը ,հարվածում է Սերժ Սարգսյանին և մեր իշխանությունը ,ի դեմ Սերժ Սարգսյանի,դառնում են տիկնիկ:Եվ եթե այդ արյամբ եկած իշխանությունը չլիներ,Սերժ Սարգսյանը այդքան հեշտ իշխանությունը չէր հանձնի:Այդ դաժան պատմական փորձը իրեն ակցանների մեջ դրեց:

-Դուք ասում եք՝մեղավորները ուրիշ են:

-Ինքն էր պատասխանատուն,ինքն էր այդ իրադարձություների արդյունքում եկել իշխանության գլուխ:

-Հիմա դաշտում նրա անունը չկա:

-Դրանք արդեն այն հարցերն են,որոնք հանելուկային հարցերի մեջ են մտնում, ինչու Սերժ Սարգսյանի անունը չկա,ինչու Լևոն Տեր –Պետրոսյանի,Նիկոլ Փաշինայնի,Ալիկ Արզումանյանի անունները չկան,որովհետև դա վենդետա է,քաղաքական հաշվեհարդար:Նիկոլ Փաշինյանը միանձնյա իշխանության ջատագով է և ձգտող ,նա պետք է ոչնչացնի ՀՀ բոլոր քաղաքական ուժերին:

-Ի տարբերություն իրենց,Սերժ Սարգսյանն ունի կուսակցություն:

-Մնացածը չունեն,ինչո՞վ է արտահայտվում այդ կուսակցության գոյությունն այսօր,Շարմազանվի և Աշոտյանի հայտարարություններո՞վ,Արփինե Հովհաննիսյանի խելացի ելույթներո՞վ…

-Նաև..

-Բայց այդ կուսակցությունն այսօր անգործության է մատնված,այսօր քաղաքական դիրքորոշում չունի ոչ մի հարցի նկատամամբ,ինքնամեկուսաված վիճակում է ,այդ կուսակցութոյւնը տեսավ,որ ժողովրդի կողմից մերժված է, ընդմիջում է վերցրել հետագա քաղաքական գործողություններից առաջ:

-Միքայել Հարությունյանին մեղադրել են 0038 հրամանի համար,ասել եք,որ դա հիմարություն է:

-Հրամանի մեջ նշված էր՝ ի կատարումն գերագույն գլխավոր հրամանատարի հանձնարարությունների:Հանձնանարել են ,ինքը ի կատարումն գերագույն գլխավոր հրամանատարի զորանոցային վիճակ է հայտարարել: 0038 հրամանը սարսափելի հրաման չէ,և այդ հրամանից բխեցնել մարտի 1-ի արյունը,չի լինում:Այդ հրամանը տրվել էր շատ ավելի վաղուց ,մարտի 1-ի դեպքերը եղել են հետագայում:Բանակից ոչ մի զենք,ոչ մի զինծառայող չի կրակել:Ես 4-րդ բանակային կորպուսի հետ եմ շփվել, ռազմական ինստիտուտի կոլեկտիվի հետ եմ շփվել,ոչ մեկը չի կրակել,եղել եմ հավաքակայանում ,որտեղ հավաքվել էին բոլոր զինծառայողները,ոչ մեկը չի կրակել:Bանակի խնդիրը եղել է այն,որ պատնեշ լինի պետական կառույցների,ժողովրդի և ամբոխի միջև:Թույլ չտա պետական կարևորագույն օբյեկտների զավթում,թույլ չտա արյունահեղություն,հանգստացնի կրքերը :Ես դա ասել եմ և հստակ ,բաnակային ինչ-որ մեկին մեղադրել,որ ինքը դերակատում է ունեցել,դա բխել է կանոնադրությունից և Սահմանադրությունից:Բանակի գործողությունները այդ օրերին փայլուն են եղել:

-ԱԺ-ում 3 ուժ կա,առաջ քաշվեց Գագիկ Ծառուկյանին մանդատից զրկելու հարցը,ինչո՞ւ այս հարցը օրակարգ եկավ:

-Դիմել է Քաղաքացիական որոշում կուսակցությունը ,նմանատիպ կուսակցությունները Քաղաքացիական պայմանագիր կուսակցության դուստր կուսակցություններն են, ովքեր գործում են նրանց գաղափարախոսական և օբյեկտիվ ղեկավարման ներքո:Ես միշտ նշել եմ,որ Գագիկ Ծառուկյանը իշխանության բերեց Նիկոլ Փաշինյանին իր հեղանիկությամբ,կուսակցությամբ,նպաստեց Նիկոլ Փաշինյանի իշխանության գալուն, կանգնեց նրա կողքին այն ժամանակ,և եթե չկանգներ,Փաշինյանը վարչապետ չէր ընտրվի, և այն ժամանակ կարող է ավելի վատ հետևանքներ լինեին մեր պետության համար,համաենայնդեպս այդ որոշումը օգնեց :Ասացի,որ Նիկոլ Փաշինյանը չի ներելու Գագիկ Ծառուկյանին և ոչնչացնելու է Գագիկ Ծառուկյան քաղաքական գործոնը ՀՀ-ում:Այսօր միակ ուժը ,որն ունի ինքնուրույն հեղինակություն,հենարան ժողովրդի մեջ, նաև չմոռանանք կուսակցության ուժը,ԲՀԿն է,որովհետև ԲՀԿ-ում շատ խելացի և շատ լավ քաղաքական գործիչներ կան,գումարենք Ծառուկյանի անձնական հմայքն ու հեղինակությունը:Գագիկ Ծառուկյանը կարող է ցանկացած պահի ազդել քաղաքական գործընթացների ընթացքի վրա,իսկ Նիկոլ Փաշինայնը դա չի կարող թույլ տալ:Նա չի կարող թույլ տալ,որ ԱԺ-ում որևէ մեկը իրենց կիսագրագետ բերած օրինագծերը քննադատի:Այդ կիսագրագետ օրինագծերը,երբ քննարկեն,իրենց մեջ չլինեն այն ուժերը,որոնք կարողանան հակադարձել:Դա ստեղծում է ծիծաղելի վիճակ իշխող կուսակցության համար:Հասարակության մեջ Ծառուկյանը միակ մարդն է,որը նպաստում է ժողովրդին գոյացության պայքարում,օգնում է ժողովրդին:Ո՞նց կարող է այսօր իշխանությունը,երբ մասսայաբար բարձիթողի է թողել ժողովրդի վիճակը ,թույլ տա,որ Ծառուկյանը գործի:

-Խոստացավ ներկայացնել այն ամենը ,ինչ արել է այս մեկ տարվա ընթացքում:

-Սուտը այսօր դարձել է մեր իշխանությունների գործելաոճը,նաև հասարակական խաբեբայությունը,անգրագետ խաբեբայությունը դարձել է գործելաոճ:Փաշինյանը հայտարարում է,որ կոռուպցիա չկա,հայտարարում է 51 000 աշխատատեղերի մասին,սուտ է,նա այնքան խելք ունեցավ,ասաց՝գիտեք ինչ, շնորհակալություն մեր օլիգարխներին,գործարարներին,որ ստվերից հանեցին այդ աշխատատեղերը,այսինքն՝ դրանք չեն ստեղծվել:Դուք փորձառու լրագրող եք,ուշադիր հետևում եք ՊԵԿ-ի ,սոցապնախարարության հայտարարությանը ,եթե 51 000 աշխատատեղ դուրս է եկել ստվերից կամ բացվել է,ապա հարկերը,տուրքերը,սոցվճարները պետք է 51000 միավորով բարձրանան ,այդ մասին ոչ ոք հաշվետվություն չի տվել:Այդ 51 000 աշխատատեղը հո մի բաժակ չի,վերցնել դնել այլ տեղ:Թոշակների,նպաստների վճարումները պետք է ավելացած լինեին, հայտարարեին,որ այսքան աշխատատեղ ավելացել է,նույնքան սոցվճարում ևս,եկամտահարկ է ավելացել,չկա նման հայտարարություն և թիվ:Հավատում եմ Հրանտ Բագրատյանին,որ հայտարարեց,որ 71 000 աշխատատեղ է կրճատվել: Դա պրիմիտիվ սուտ է ,ամբոխահաճ սուտ,դրա տակ ոչ մի պետական կառավարման սկզբունք չկա,դա ժամանակավոր առաջնորդման սկզբունքն է:

-Ինչ-որ քայլեր արվում են ,օրինակ ,եթե ուժեր կային,որ եկեղեցու դեմ էին պայքարում,նոր իշխանությունը կամաց-կամաց կառուցողական դաշտ է տանում:

-Ես նայում էի հայեցակարգային իշխանությանը ,որտեղ 5 սկզբունք կա,որ հայեցակարգային իշխանությունը կարողանում է կործանել պետությունը,ազգը ,ժողովուրդներ,այդ 5 սկզբունքներից երկրոդը դա պատմությունը խեղաթյուրելն է և ազգին զրկելն է իր պատմական ակունքներից,հենարաններից:

-Ով մեզ զրկե՞ց:

-Զրկվել ենք,եթե այսօր բացվում է գեյ-քրիստոնյաների եկեղեցի ՀՀ-ում,գործում են տարբեր աղանդներ,որոնք հարկ չեն մուծում ՀՀ-ին,որովհետև նրանց ակունքները արտերկրում են:

-Դրանք բոլորը բացվել են և գործել են նախկին իշխանությունների ժամանակ:

-Ոչինչ չունեմ ասելու,այսօր հարց չի դրվում իրենց հարկելու,գործունեությունը սահմանափակելու,տարբեր հարցեի հարց չի դրվում ,որովհետև մենք եվրոպական կառույցների հետ ունենք պայմանավորվածություններ,հարց է դրվում հայ եկեղեցու պատմությունը առարկան կրճատել և եկեղեցին դնել հարկային ծանր բեռի տակ:

-Այդ նույն բանը ասում էր ձեր շատ սիրելի Հրանտ Բագրատյանը տարիներ շարունակ :

-Ես էլի շատ սիրում են Հրանտ բԲագրատյանին:Ի՞նչ է իրենից ներկայացում,երբ հայը հեռանում է մեր ավանդական եկեղեցուց,Մելիքսեթ կաթողիկոսի ժամանակ Հայոց եկեղեցին պարտք է եղել պարսկական արքունիքին…

-Այնքան էլ աղքատ չի,եթե աղքատ լիներ,առաջին տիկնոջ ֆոնդին 100 000 դոլար չէր փոխանցի:

-Մելիքսեթ կաթողիկոսի ժամանակ 300 թուման պարտ է եղել Էջմիածնի կաթողիկոսությունը և այդ 300 թումանը շատ ծանր բեռի նման նստած է եղել,բայց էլի պարսկական արքունիքը Հայոց եկեղեցուն չի հարկել :Ինչ է տեղի ունենում,երբ մենք հեռանում են հայոց եկեղեցուց և եկեղեցու պատմությունից:Մենք ունենք սուտ Նիկոլ Թորոսովիչ եպիսկոպոս,Լվովի թեմում ,ես նրան անվանում են սուտ Նիկոլ առաջին:Նա 1000 ոսկով վաճառում է իր թեմը Հռոմի Պապին և Հայոց Լվովի և Լեհաստանի թեմը կաթոլիկ է դառնում ,մեկ սերունդ հետո ոչ մի հայ չի մնում,այն դեպքում,երբ 1410 թվականի Գրունվալդի ճակատամարտում 5000 հայ է մասնակցել:500 000 հայ էր ապրում լեհ-լիտվական Ռեչ Պոսպոլիտայում: Երկրոդը՝համշենահայերը,որոնք այսօր Թուրքիայում Տրապիզոնի շրջակայքում են ապրում ,Համամ Ամատունու հայերն են,ովքեր Իկոնիայի սուլթան Կարամանյանների ժամանակ ընդունեցին մահմեդականություն,կտրվեցին հայոց եկեղեցուց և այսօր նրանք կիսահայեր են: Այսօր,երբ մենք հարվածում ենք Հայոց եկեղեցու գաղափարախոսությանը,ֆինանսատնտեսական հզորությանը ,մենք հարվածում ենք …

-Չի հարվածում ,ասում է՝նոր տիրույթ ենք բերում:

-Ինչ կարգ են սահմանում,եթե հարկատու է դարձնում,ինչ է անելու Հայոց եկեղեցու համար,ո՞վ է պահելու Գևորգյանը ճեմարանը,ո՞վ է պահելու մեր եկեղեցիները..

-Հաշվի կառնեն երևի:

-Ինչը հաշվի կառնեն,մեր պետությունը արդյոք լրացուցիչ կարող էայդ ծախսերը հոգալ:

-Եթե 100 000 դոլար կարողանում է տալ ֆոնդին …

-Ուրեմն ինչու պետք Նիկոլյան իշխանությունը,Սիսիանի եկեղեցին,որ 6-7 դարերից է,հարկի ,հարկի հողային տարածքները ,այդ եկեղեցու բակում նաև գտնվում է իմ պապերի գերեզմանը, ես համաձայն չեմ,որ այդ հողերը հարկվեն:

-Հարկումն էլ է մարդկանց համար արվելու:

-Ո՞ւմ համար է արվելու:

-Ի նպաստ բոլորի թոշակների,եկեղեցաշինության…

-Երբ 124 միլիոնը փոշիանում է կասկածելի հասարակական կազմակերպությունների մեջ, երբ կառավարության կողմից 500 000 դոլարի չափ փոշիանում է կառավարության աշխատակազմի ղեկավարների,բարեկանների մեջ որպես նվիրատվություններ, երբ փոշիանում են այլ ծախսերը ,բյուջետային այլ եկամուտները 18-19 թվականերին կտրուկ նվազել են և ուր է գնացել այդ փողերը, ընկել ենք եկեղեցու ետևից ,մոմից ստացած եկամուտից ուզում ենք հարկ վերցնել,դա խոսում է մեր ազգային հիմքների,արմատների ,կրոնական փիլիսոփայության կորստի մասին:

-Այսօր ձեզ ի՞նչն է մտահոգում և ի՞նչն է ոգևորում:

-Ինձ մտահոգում են բանակի բարոյական ազդեցության թուլացումը հասարակությունում,կռված տղաների դերի նսեմացումը ,մեր փառապանծ զորահրամանատարների նկատմամբ շինծու գործերի հրահրումը մեր հասարակության մեւ,որը կատարվում է այն մարդկանց կողմից ,ովքեր բանկում չեն ծառայել:ուզում եմ հիշեցնել՝ բանակից փախածները քաղաքականության մեջ տեղ չունեն Նիկոլ Փաշինյանի ամպագորգոռ հայտարարությունը ԱԺ-ում ,այսօր բանակից փախածները՝ իր քաղաքական թիմը, 80-90 տոկոսով բանակից փախածներ են տարբեր պատրվակներով և չգիտես ինչու:Մենք երբ նախկին իշխանությունների ժամանակ մենք ծաղրում էինք քավոր սանիկական հարաբերություններով հարստացածներին, զոքանչի հաշվին հարստացածներին, այսօր ընկերների և կնոջ օժիտներով կասկածելի հարստացածներին մենք ներում ենք,կարծես չենք էլ նկատում:Ինձ ուրախացնում է,որ մենք ազգ ենք և կարող ենք հաղթել,և եթե այս հաղթանակը չպահեցինք,իրավունք չունենք ազգ կոչվելու:

Առաջին հատվածն՝այստեղ

Հարցազրույցը՝Նաիրա Բաղդասարյանի