Բացառվում է․ Պապիկյանն իր համար օր կընտրի ու կնշի
Բացառվում է, որ ապրիլի 23-ը նշվի որպես քաղաքացու օր. դա իմ անձնական վերաբերմունքն է: Այս մասին այսօր՝ մարտի 20-ին, լրագրողների հետ հանդիպման ժամանակ նշեց Տարածքային կառավարման եւ զարգացման նախարար Սուրեն Պապիկյանը: «Ինձ համար, որպես հեղափոխության մասնակից, կազմակերպիչ և ՀՀ քաղաքացի, կարևոր է ոչ միայն «Քաղաքացիական պայմանագիր» կուսակցության մասնակցությունը կամ մեր անմիջական մասնակցությունը շեշտելը, այլ դրա իրողությունը շեշտելը, գնահատումը մերօրյա հանրության ու սերունդների համար: Իմ մոտեցումը հետևյալն է՝ այո՛, դրան գնահատական և նաև որոշակի հանրային վերաբերմունք պետք է, բայց այդ ամենը պետք է հասունանա հանրության մոտ: Դրա հասունացման համար կառավարությունը կարող է քայլեր ձեռնարկել, կարող է չձեռնարկել, այս պահին որոշում չկա»: Նրա խոսքով, Հայաստանում քաղաքացին պետք է հեղափոխության օրն իր համար նշի:
Հետևեք մեզ Viber-ում
