Մարտի 1-ին կրակված պարկուճները փոխվել են. ինչ է պատմում Փաշինյանը
Արդյո՞ք նոր քրեական գործ կհարուցվի Մարտի 1-ի սպանությունների դեպքերը բացահայտելու համար,վարչապետ Նիկոլ Փաշինյանին հարցրեցին լրագրողները: «Այդտեղ նոր քրգործ հարուցելու անհրաժեշտություն չկա, քանի որ այդ գործը հարուցվել է:Մենք գործ ունենք առնվազն այն հայտարարության մակարդակով, որ արվել է քննչական մարմինների կողմից, հետևյալ փաստի հետ, որ Մարտի 1-ի պարկուճները փոխվել են: Այն պարկուճները, որ հաջորդ օրը քննչական խմբի կողմից հայտնաբերվել են դեպքի վայրում, փոխվել են, ինչո՞ւ, քանի որ դրանց փորձաքննությունը կարող էր տալ շատ հարցերի պատասխաններ, ենթադրում եմ՝ այդ թվում նաև սպանությունների կոնկրետ կատարողների բացահայտման առումով, հակառակ դեպքում՝ ինչ իմաստ ուներ: Հնարավոր է՝ դրանով փորձ է արվել բանակի ներգրավվածությունը գործընթացին թաքցնելու համար, բայց մեծ հավանականություն ունի վարկածը, որ նաև այդտեղ եղել են այն պարկուճները, որոնք կապ ունեն սպանությունների հետ»,- պատասխանեց նա: ««Սպանություն իրականացրած» փամփուշտի գնդակի պարկուճանման մասը եղել է տեղում, և եթե սա է վարկածը՝ նշանակում է, որ քննչական մարմինը իմացել է՝ ովքե՞ր են սպանել:Այդ մարդիկ, ովքեր նախաձեռնել են պարկուճների փոփ, պետք է ներգրավվեն և տան ցուցմունքներ»,-ընդգծեց վարաչպետը և կոչ արեց բոլոր այն քաղաքացիներին, ովքեր այս թեմայով ասելիք ունեն, դիմել իրավապահ մարմիններին, նաև վստահեցրեց՝ այդ դեպքերի բացահայտման առումով արվելու է ամեն ինչ:
Հետևեք մեզ Viber-ում
