Մարիամ Փաշինյանը` Բրյուսել կառավարական ինքնաթիռով մեկնելու մասին.տեսանյութ

Ինչպես արդեն հայտնել ենք, ՀՀ վարչապետի դուստր Մարիամ Փաշինյանը մասնակցել է Ազատություն ռադիոկայանի  ֆեյսբուքյան ասուլիսին, որտեղ հարց է հնչել, թե ինչու Մարիամը և Աննա Հակոբյանը Նիկոլ Փաշինյանի հետ մեկնեցին Բրյուսել, որտեղ վարչապետը մեկնել էր պաշտոնական այցով: «Բրյուսելյան այցի մասին ասեմ, որ ես չեմ խնդրել ինձ իրենց հետ տանեն Բրյուսել, ինձ համար տարբերություն չկա ես կմեկնեմ կամ ոչ, կամ ինչով կմեկնեմ: Առաջարկն արել է հայրս ու ես ընդունել եմ առաջարկը, որովհետեւ ունենք միմյանց հետ շփվելու խնդիր, չենք հասցնում իրար տեսնել: Ծնողներս անընդհատ աշխատում են, ես նույնպես, չենք հասցնում ընտանեկան շփմանը ժամանակ տրամադրել: Մայրս այդ մասին արդեն խոսել է ու նույն պատճառներն են»,-ասաց Մարիամ Փաշինյանը: