Կալիգուլան իր ձիուն սենատոր դարձրեց, իսկ Փաշինյանն իր հետ քայլողներին խորհրդարան բերեց. Շարմազանով

Կալիգուլան իր ձիուն սարքեց սենատոր, Փաշինյանն էլ իր հետ քայլողներին բերեց խորհրդարան: Այսօր՝ հունվարի 29-ին, մամուլի ասուլիսի ժամանակ հայտարարեց ՀՀԿ խոսնակ Էդուարդ Շարմազանովը՝ հավելելով, որ հասարակության համար նշանակություն չկա, թե ով կլիներ խորհրդարանում:Շարմազանովի խոսքով՝ նոր խորհրդարանը ոչ թե ընտրովի էր, այլ նշանակովի: Շարմազանովի խոսքով՝ հեղաշրջման շրջանում Փաշինյանը խոսում էր ամեն ինչից՝ թոշակների բարձրացումից, աղքատության վերացումից, թռիչքային զարգացումից, կարմիր գծերի հանվելուց, տեսախցիկները հանվելուց, սակայն ինչ խոստացել է՝ չի արել: «Բոլոր ցուցանիշներով, նույնիսկ Փաշինյանի բերած ցուցանիշներով՝ այս 9 ամիսների արդյունքները նկատելիորեն զիջում են նախկին իշխանության ցուցանիշներին: 8.1 տոկոսի անկում կա գյուղատնտեսությունում: Բոլոր ոլորտներում խայտառակ իրավիճակ է»,-ասաց Շարմազանովը: