Բաբլո, մերսեդես, телки, կներեք կանայք. Լուկաշենկոն շարունակում է փայլել

Բելառուսի նախագահ Ալեքսանդր Լուկաշենկոն խոսել է Օլիմպիական կոմիտեում վերջին հանդիպման ժամանակ իր կողմից արված արտահայտություններից մեկի մասին, որի վերաբերյալ տարբեր քննարկումներ են սկսվել: Խոսքը մասնավորապես վերաբերում է «телки» բառին: Լուկաշենկոն հայտարարել է, որ այդ բառն օգտագործելիս խոսել է որոշ մարզիկների մասին՝ մեջբերելով հենց վերջիններիս բառապաշարից մի քանի բառ. «Նրանք միայն մեկ բանի մասին են խոսում, ես բառացի մեջբերել եմ նրանց խոսքերը՝ բաբլո, մերսեդես, телки: Կներեք, կանայք, ես ուղղակի կրկնել եմ նրանց բառերը»: Ավելի վաղ համացանցում մի լուսանկար էր տարածվել, որում երևում էր վերոնշյալ քննարկմանը մասնակցած չինովնիկներից մեկի գրառումը՝ հետևյալ բովանդակությամբ «Бабла мало. Мерседесов нет. Телки...»: