Կառավարությունը 88.5 մլն դոլար վարկ կվերցնի

Կառավարության այսօրվա նիստում տարածքային կառավարման և զարգացման նախարարի պաշտոնակատար Սուրեն Պապիկյանը հայտնել է, որ իրենք ծրագրում են իրականացնել պետական հանրակրթական դպրոցների սեյսմիկ անվտանգության 2015-2020 միջոցառումները: Կառավարության և Ասիական զարգացման բանկի միջև կնքվել է սեյսմիկ անվտանգության վարկային ծրագիր: Մասնավորապես, նախատեսվում է առավել խոցելի 46 դպրոցների սեյսմիկ ուժեղացում կամ նորի կառուցում իրականացնել, որոնց համար ծախսվելու է 107 մլն դոլար, որից բանկի վարկային միջոցները կազմում են 88.5 մլն դոլար, իսկ պետական համաֆինանսավորումը՝ 18.5 մլն դոլար: Կառավարության որոշմամբ հաստատվել է 20 դպրոցների ցանկ, այժմ շինարարություն է իրականացվում 6 դպրոցներում: Առաջարկվում է հաստատել գերակա 26 դպրոցների ցանկ, որոնք ընտրվել են աշխատանքային խմբի կողմից, հաստատվել են առաջին փոխվարչապետ Արարատ Միրզոյանի գլխավորած խմբում: Արարատ Միրզոյանը հավաստիացրել է, որ իրենք նախատեում են կառուցել մոդուլային դպրոցներ, որտեղ գունային լուծումներն ավելի հետաքրքիր կլինեն աշակերտների համար, կրթությունը կդարձնեն ավելի բազմազան և հետաքրքիր: «Համայնքային կյանքը պետք է կենտրոնացնել դպրոցների շուրջ, և միայն ծայրահեղ անհնարինության դեպքում պետք է կառուցել ավանդական դպրոց»,-ասել է առաջին փոխվարչապետը: Վարչապետի պաշտոնակատար Նիկոլ Փաշինյանը հրապարակել է ծրագրում ներառված համայնքների դպրոցների ցանկը. Արագածոտնի մարզի Սասունիկի Գևորգ Չաուշի անվան միջնակարգ դպրոց Օհանավանի Սուրեն Ավետիսյանի անվան միջնակարգ դպրոց Շենավանի միջնակարգ դպրոց Արարատի մարզի Փոքր Վեդիի միջնակարգ դպրոց Վանաշենի միջնակարգ դպրոց Հովտաշենի միջնակարգ դպրոց Հայանիստի միջնակարգ դպրոց Մասիսի հիմնական դպրոց Այգեստանի միջնակարգ դպրոց Արմավիրի մարզի Պտղունքի միջնակարգ դպրոց Փարաքարի միջնակարգ դպրոց Ջրարփի միջնակարգ դպրոց Մրգաշատի միջնակարգ դպրոց Կոտայքի մարզի Հրազդանի թիվ 2 միջնակարգ դպրոց Աբովյանի թիվ 2 հիմնական դպրոց Կամարիսի միջնակարգ դպրոց Լոռու մարզի Վանաձորի Րաֆֆու անվան միջնակարգ դպրոց Օձունի թիվ 2 միջնակարգ դպրոց Ալավերդու թիվ 2 միջնակարգ դպրոց Գեղարքունիքի մարզի Գեղհովիտի թիվ 2 միջնակարգ դպրոց Ճամբարակի միջնակարգ դպրոց Տավուշի մարզի Գանձաքարի միջնակարգ դպրոց Շիրակի մարզի Ազատանի միջնակարգ դպրոց Արթիկի թիվ 2 հիմնական դպրոց Վայոց Ձորի մարզի Վայքի հիմնական դպրոց Գետափի միջնակարգ դպրոց: