Մահացել է Մաքսիմ Հակոբյանը

69 տարեկանում մահացել է   Զանգեգուրի պղնձամոլիբդենային կոմբինատի նախկին տնօրեն Մաքսիմ Հակոբյանը: Վերջինս ծնվել է 1949 թ  օգոստոսի-ին  գ.  Ղափանի շրջանի Վերին Հանդ գյուղում: 1972-1973 թթ. աշխատել է Զանգեգուրի պղնձամոլիբդենային կոմբինատում՝ որպես էքսկավատորի մեքենավարի օգնական։ 1973-1981 թթ. աշխատել է կոմբինատում՝ լեռնային վարպետ, ապա հորատապայթեցման և էքսկավատորաբուլդոզերային տեղամասերի պետ։ 1982-1988 թթ. աշխատել է որպես կոմբինատի լեռնային արտադրամասի գլխավոր ինժեներ։ 1988-1994 թթ. - կոմբինատի գլխավոր ինժեների տեղակալ, անվտանգության տեխնիկայի և շրջակա միջավայրի պաշտպանության բաժնի պետ։ 1994-1998 թթ. - աշխատել է որպես կոմբինատի գլխավոր ինժեներ։ 1998 թվականի մայիսի 7-ին նշանակվել է Զանգեգուրի պղնձամոլիբդենային կոմբինատի գործադիր տնօրեն։ 2003 թվականի մարտի 24-ին նշանակվել է կոմբինատի գլխավոր տնօրեն։ 2014 թվականի մայիսից կոմբինատի տնօրենների խորհրդի նախագահն է։ Մաքսիմ Հակոբյանը արժանացել էր մի շարք պարգևների՝ «Հայրենիքին մատուցած ծառայությունների համար» 1-ին աստիճանի շքանշան, «Հայրենիքին մատուցած ծառայությունների համար» 1-ին աստիճանի մեդալ, Անանիա Շիրակացու մեդալ (2002), Հայ Առաքելական եկեղեցու բարձրագույն պարգև «Սուրբ Գրիգոր Լուսավորիչ» շքանշան, «Սուրբ Մեսրոպ Մաշտոց» հուշամեդալ, 2005 թ. Միջազգային քաղաքականության ռուսական ակադեմիայի կողմից շնորհվել է դոկտորի գիտական աստիճան, Հայաստանի պետական ճարտարագիտական համալսարանի պատվավոր դոկտոր (2008), Քաջարան, Կապան, Մեղրի, Ագարակ քաղաքների, Արմավիրի մարզի պատվավոր քաղաքացի էր, 2007 թվականին ճանաչվել էր «Տարվա մարդ» («Դե-ֆակտո» ամսագրի վարկածով)։ Hayeli.am խմբագրակազմը խորին ցավակցություն է հայտնում Մաքսիմ Հակոբյանի հարազատներին: