Քարոզարշավին ամենաշատ ու ամենաքիչ գումար ծախսած ուժերը

ԿԸՀ վերահսկիչ-վերստուգիչ ծառայության ղեկավար Տիգրան Բաբիկյանը Կենտրոնական ընտրական հանձնաժողովում ներկայացրեց ամփոփ տեղեկություններ՝ Քարոզչության ֆինանսավորման նախընտրական հիմնադրամների վերաբերյալ: Նրա խոսքերով, սահմանված կարգով և ժամկետում ինը կուսակցությունները և երկու քաղաքական դաշինքները Կենտրոնական բանկում բացել են նախընտրական հիմնադրամներ և ներկայացրել են վճարումների ու ծախսերի մասին հայտարարագրեր, տեղեկանքներ են կազմվել: Համաձայն ամփոփ տեղեկատվության՝ «Ազգային առաջընթաց» կուսակցության կողմից նախընտրական հիմնադրամի մուտքերը կազմել են 490 000 դրամ, ելքերը՝ 489 400, մնացորդը՝ 600: «Բարգավաճ Հայաստան» կուսակցության կողմից նախընտրական հիմնադրամի մուտքերը կազմել են 104 392 269.1, ելքերը՝ 102 671 425, մնացորդը՝ 1 720 844.1: «Իմ քայլը» կուսակցությունների դաշինքի կողմից նախընտրական հիմնադրամի մուտքերը կազմել են 273 176 551, ելքերը՝ 268 590 708. 9, մնացորդը՝ 4 585 842.1: «Լուսավոր Հայաստան» կուսակցության կողմից նախընտրական հիմնադրամի մուտքերը կազմել են 52 943 555, ելքերը՝ 51 105 391, մնացորդը՝ 1 838 164: «Հայ Յեղափոխական Դաշնակցություն» կուսակցության կողմից նախընտրական հիմնադրամի մուտքերը կազմել են 47 087 000, ելքերը՝ 47 086 922, մնացորդը՝ 78: Հայաստանի Հանրապետական կուսակցության կողմից նախընտրական հիմնադրամի մուտքերը կազմել են 128 007 200, ելքերը՝ 127 342 492, մնացորդը՝ 664 708: «ՄԵՆՔ» կուսակցությունների դաշինքի կողմից նախընտրական հիմնադրամի մուտքերը կազմել են 31 461 150, ելքերը՝ 31 459 837, մնացորդը՝ 1 313: «Սասնա Ծռեր» կուսակցություն կողմից նախընտրական հիմնադրամի մուտքերը կազմել են 14 315 800, ելքերը՝ 14 315 258, մնացորդը՝ 542: «Քաղաքացու որոշում» սոցիալ- դեմոկրատական կուսակցության կողմից նախընտրական հիմնադրամի մուտքերը կազմել են 6 115 480, ելքերը՝ նույնքան, մնացորդը՝ զրո: «Քրիստոնեա-ժողովրդական վերածնունդ» կուսակցության կողմից նախընտրական հիմնադրամի մուտքերը կազմել են 2 985 700, ելքերը՝ 2 984 700, մնացորդը՝ 300: «Օրինաց երկիր» կուսակցության կողմից նախընտրական հիմնադրամի մուտքերը կազմել են 18 248 000, ելքերը՝ 18 246 932, մնացորդը՝ 1068: