«Սերն ու համերաշխությունը Նիկոլ Փաշինյանի ու Լենա Նազարյանի միջև չպիտի լինի, այլ բոլորիս». Էդուարդ Շարմազանով
«Լոռի» հեռուստաընկերությունը հյուրընկալել էր ԱԺ ընտրություններին թիվ 9 ընտրատարածքում Լոռվա մարզից առաջադրված ռեյտինգային թեկնածու ՀՀ Հանրապետական կուսակցության անդամ Էդուարդ Շարմազանովին։ Հարցազրույցի ընթացքում պարոն Շարմազանովն իր մտահոգությունը հայտնեց նոր իշխանության բազմաթիվ սխալների վերաբերյալ, այդ թվում՝ արտաքին և ներքին ճակատագրական սխալների, որոնք, ըստ նրա, կարող են շատ թանկ նստել մեր պետության վրա։ Ամեն ինչ պիտի համեմատության մեջ դիտարկել․ պարոն Շարմազանովի պնդմամբ՝ իրենց իշխանության ժամանակ ԱՄՆ-ը ՀՀ-ում սկսել է Տաթև հէկ-ի ամենամեծ ներդրումային ծրագիրը, սկսվել է Ամուլսարի ծրագիրը, բազմաթիվ արևմտյան ներդրումներ են եղել, որոնք բացակայում են նոր իշխանությունների օրոք։ «Դեկտեմբերի 9-ի արտահերթ խորհրդարանական ընտրությունները պարտադիր՝ ոչ ժողովրդավարական ընտրություններ են․ Փաշինյանը գիտեր, որ դեկտեմբերից հետո էյֆորիան անցնելու էր, երբ ժողովուրդը սառնարանը բացեր ու «դուխով» գլխարկից բացի ուրիշ բան չգտներ»։ Մանրամասները՝ տեսանյութում։
Հետևեք մեզ Viber-ում
