Հայկ Մարությանը կկրճատի նախորդի ծախսերը

«Ժողովուրդ» օրաթերթը գրում է. «Երևանի քաղաքապետ Հայկ Մարությանը որոշել է տնտեսումներ անել և 2019 թվականի բյուջեում կան դրույթներ, որոնց իրականացման համար ավելի քիչ գումար է հատկացված, քան այս տարվա բյուջեով: Օրինակ, Երեւանի քաղաքապետարանը որոշել է խնայողություն անել նաեւ վարչական սարքավորումների գծով. այս նպատակով հաջորդ տարվա համար կծախսվի 28 մլն 838 հազար դրամ` ընթացիկ տարվա 48 մլն 195 հազար դրամի դիմաց: Քաղաքապետարանը նախատեսել է հաջորդ տարում թափառող կենդանիների վնասազերծման համար ծախսել 50 մլն դրամ, ինչը 64.6 մլն դրամով այս տարվա ցուցանիշից պակաս է»: Մանրամասն՝ թերթի այսօրվա համարում: