Արմավիրի մարզում տեղի է ունեցել ավազակային հարձակում

Արմավիրի մարզում տեղի է ունեցել ավազակային հարձակում։ Ժամը 00։10-ի սահմանում ոստիկանության Արմավիրի բաժին ահազանգ է ստացվել, որ դիմակավորված և հրազենով զինված 2 անհայտ անձինք փորձել են մուտք գործել Զարթոնք գյուղի 9-րդ փողոցի տներից մեկը։ Shamshyan.com -ի փոխանցմամբ  տան բնակիչները դիմադրություն են ցույց տվել: Հարձակում իրականացնողներից մեկը փախուստի է դիմել, իսկ մյուսին կարողացել են բռնել։ Ոստիկաններն ավազակային հարձակում կատարելու կասկածանքով Մեծամորի ոստիկանություն են բերման ենթարկել Արմավիրի մարզի բնակիչ Կարեն Ազիզյանին։ Պարզվել է, որ վերջինս ինքնությունը չպարզված անձի հետ փորձել է ավազակային հարձակում կատարել: Ոստիկաններն ու քննիչները դեպքի վայրի զննությամբ հայտնաբերել են «ԱԿՍ» տիպի ինքնաձիգի 1 փամփուշտատուփ՝ 18 հատ 5.45 մմ տրամաչափի փամփուշտներով, 2 դիմակ, 1 էլեկտրաշոկ, 1 զույգ ձեռնոց, մահակ, ինչպես նաև տոպրակ, որի մեջ եղել է թափանցիկ կպչուն ժապավեն և պոլիմերային կապիչներ։