Իմ պայքարը իրանց քաղաքական պապայի հետ է, ոչ թե՝ օրը վեց անգամ կարծիք փոխող քաղաքական դամբուլիզմի ներկայացուցիչների. Շարմազանով (Տեսանյութ)
«Փաշինյանն ամեն ինչ անում է, որպեսզի այս քարոզարշավը որպես դասական քարոզարշավ չկայանա : Ուշադրությունը շեղում են ծրագրային պայքարից, պրոբլեմներից և որևէ գաղափարական բանավեճ մերժվում է: Մեր նպատակը չէ ինչ-որ մեկի դեմ պայքարը, ժողովրդի դարդ ու ցավը թողած, հայհոյանքների մրցավազքին մասնակցելը: Բոլոր մեր հակադարձողներին կոշտ ու արժանի պատասխան ենք տալու», - Facebook-յան իր ուղիղ եթերում ասել է ՀՀԿ ռեյտինգային ցուցակով առաջադրված թեկնածու Էդուարդ Շարմազանովը: Անդրադառնալով Փաշինյանի կողմից ՀՀԿ ցուցակը գլխավարող Վիգեն Սարգսյանի բանավեճի հրավերը մերժելուն՝ Շարմազանովը նկատել է, որ տրամաբանական չէ Փաշինյանի այն պնդումը, թե ինքը չի կարող բոլոր տասը ուժերի ներկայացուցիչների հետ գնալ բանավեճի: «Դա տրամաբանական կլիներ, եթե Փաշինյանը խոսեր իր ծրագրերից, այլ ոչ թե առավոտից իրիկուն հակադարձեր կամ գոռգոռար մեր կողմնակցիների վրա», - հակադարձել է նա: «Մեր գաղափարական պայքարը Փաշինյանի և նրա թիմի հետ է: Խորհուրդ կտամ ոտի տակ չընկնել: Իմ պայքարը իրանց քաղաքական պապայի, քաղաքական կուռքի հետ ա, այլ ոչ թե օրը վեց անգամ կարծիք փոխող որոշ քաղաքական դամբուլիզմի ներկայացուցիչների հետ: Նենց որ, չփորձեք ոտք մեկնել մեր հետ ու գնահատականներ հնչեցնել Հանրապետականի վերաբերյալ», - նշել է Շարմազանովը:
Հետևեք մեզ Viber-ում
