«Շուտով ներդրվելու են սարքավորումներ, որոնք հնարավորություն կտան ծղոտից ստանալ որակյալ վառելանյութ». Նիկոլ Փաշինյանը՝ Դիլիջանում (տեսանյութ)

«Իմ քայլը» դաշինքը ԱԺ արտահերթ ընտրություննների քարոզարշավի շրջանակներում քիչ առաջ Դիլիջանում էր, որտեղ հանդես եկավ նաև Նիկոլ Փաշինյանը: Նա հայտարարեց, որ իրենց առաջնային նպատակը սոցիալ-տնտեսական հեղափոխություն անելն է: «Դիլիջանի դպրոցը շատ կարևոր նախագիծ է ապագայի մասին մեր պատկերացումների առումով: Մի դեպքում ունենք Դիլիջանի դպրոցը, իսկ մյուս դեպքում մեր բուհական համակարգը, որն այդքան էլ արդյունավետ չէ, դրսի ուսանողներին գրավում է միայն բժշկական համալսարանը և Դիլիջանի միջազգային դպրոցը»: