Հանրապետականները` Կոկո Շանել, թե Ջաննի Վերսաչե են
ՀՀԿ-ն ուզում է ձեզ խաբել, իրենց պաստառները դրել են սև ու սպիտակ, իրենք մեր ժողովրդին ուզում են բաժանել սևերի ու սպիտակների, դրանով ուզում են ասել, որ ՀՀ-ում կա 2 կուսակցություն՝ մեկը՝ ՔՊ-ն, մյուսը՝ ՀՀԿ-ն: Այս մասին Արթիկում բնակիչների հետ հանդիպմանը նշեց «Մենք» դաշինքի համամասնական ցուցակը գխավորող Արամ Սարգսյանը: «Հարգարժան հանրապետականներ, դուք ոչ Կոկո Շանելն եք , որ սև ու սպիտակի վրա եք գնում, ոչ էլ Ջաննի Վերսաչեն: Էդ ձեզ չի օգնելու, մի՛ արեք էդպիսի բաներ, դուք սև չեք, դուք գորշ եք, գորշ: Հիմա, սիրելի՛ ժողովուրդ, դուք կասեք` Արամ Սարգսյան, 1 տարի առաջ դու այստեղ էիր ուրիշ խմբի հետ, այո՛, ես այստեղ էի Նիկոլ Փաշինյանի հետ: Ես վստահաբար գիտեմ, համոզված եմ, որ մեր ժողվուրդը իր քվեն տալու է «Իմ քայլը» դաշինքին՝ Նիկոլ Փաշինյանին: Ասեմ` Նիկոլ Փաշինյանը վաստակել է, որ էդ քվեն տաք իրեն, որ ինքը լինի հաղթողը, վարչապետը, բայց ժողովուրդ ջան, ուզում եմ հասկանաք` Աժ-ն չի կարող լինել միայն մի կուսակցությամբ. թե՛ ժողովրդավարական առումով է վատ, թե՛ ցանկացած այլ առումով: Ցանկացած կուսակցություն իր սեփական շահն ունի, երբ մի կուսակցություն եղավ ամենամեծը, էդ կուսակցությունն, ինքն իրենով պառակտվելու է. լիքը խնդիրներ են առաջանալու: Հետևաբար, ԱԺ-ում պետք են նաև այլ կուսակցություններ լինեն, որոնք պետք է մտնեն ու այնտեղ պիտի ճիշտ աշխատեն»,-նշեց նա:
Հետևեք մեզ Viber-ում
