Բանակի թուլացումը ուղղակի վարչապետի հրահանգով է. Դավիթ Շահնազարյան
ՀՀԿ պատգամավորության թեկնածու Դավիթ Շահնազարյանը,Հայելի ակումբում լրագրողների հետ հանդիպմանը հայտարարեց. «Բանակի նկատմամբ առաջին օրվանից հարձակումներ են գնում:Բանակի մասին հենց ՀՀԿ-ն է, որ պետք է խոսի:Իշխանությունը բանակը դարձրել է իր թիրախը: Երբ առաջին գծից գեներալներին կանչում են ՀՔԾ ու ինչ-որ սպասեցնում են ժամերով, դա ուղղված է բանակի դեմ, դրա նպատակն է բանակը բերել այն վիաճակին, ինչ վիճակում այսօր ոստիկանությունն է գտնվում»: «Բանակն այնքան նուրբ օրգանիզմ է, որ պետք է հասկանալ՝ ինչ ես անում բանակի հետ:Իսկ այս դասալիքների կառավարությունը դա չի կարող հասկանալ, բանակի թուլացումը կատարվում է ուղղակի վարչապետի հրահանգով», - ասաց Դավիթ Շահնազարյանը: Անդրադառնալով Սասուն Միքայելյանի հայտարարությանը, որն ասել էր, թե «չեմ վախենում ասել՝ այս հաղթանակը, որ մեր հանրապետությունում կրեցիք դուք՝ հայ ժողովուրդը, ավելի կարևոր էր, քան՝ արցախյան ազատամարտը»,հայտարարեց. «Այն, ինչ ասել է Սասուն Միքայելյանը, իրականում դա քաղաքական ծրագիր է, որը իրականացնում է Նիկոլ Փաշինյանը, այսինքն՝ իշխանությունն Արցախի փոխարեն: Սասուն Միքայելյանը ուղղակի արտահայտել է այն, ինչը հանդիսանում է ներկա իշխանությոնների քաղաքականությունը»:
Հետևեք մեզ Viber-ում
