Կառավարությունը արտագնա նիստ կանի Գյումրիում
Գյումրիում «Իմ քայլը» դաշինքի նախընտրական քարոզարշավի ժամանակ ՀՀ վարչապետի պաշտոնակատար Նիկոլ Փաշինյանը հայտնեց, որ բացի այսօրվա հանդիպումը, դեկտեմբերի 7-ին եւս Գյումրիում են լինելու․ այդ օրը կառավարությունը արտագնա նիստ կանի այնտեղ։ Դեկտեմբերի 7-ին կլրանա 1988 թվականի ավերիչ երկրաշարժի 30-րդ տարելիցը։ «Ինչո՞ւ մենք Գյումրիից սկսեցինք քայլերթը, որովհետեւ գիտեինք, որ էն գործը, որ Գյումրիից ենք սկսում խերով ա, աջ ա գնալու, եւ մենք բոլորին, նաեւ ներդրողներին խորհուրդ ենք տալիս ներդրումները սկսել Գյումրիից: Ես նաեւ գիտեմ, որ մի քիչ էլ նեղացած եք, որ հեղափոխությունից հետո Գյումրի չեմ եկել, մեղավոր եմ, պատժեք: Շատ է խոսվում, թե ինչպես պետք է մենք վերականգնենք աղետի գոտին։ Մեր պատասխանն մեկն է՝ ելքը տնտեսական հեղափոխությունն է։ Մենք պետք է հնարավորություն տանք, որ մարդիկ աշխատեն, պետք է գործարաններ բացվեն, նոր ներդրումներ արվեն, աշխատեղեր բացվեն։ Գյումրեցին որևէ մեկի ողորմության կարիքը չունի և չի ունեցել»,-ասաց նա:
Հետևեք մեզ Viber-ում
