Որևէ մեկը չփորձի փորձության ենթարկել հեղափոխության արժեքները. Փաշինյան

«Որևէ մեկը չփորձի փորձության ենթարկել հեղափոխության արժեքները: Հիմա տեսնում են, որ ժողովուրդը չի հիասթափվում, իրենք սկսել են կեղծ լուրեր տարածել»,- այս մասին ասել է Նիկոլ Փաշինյանը «Իմ քայլը» դաշինքի՝ Շիրակի մարզում տեղի ունեցած քարոզարշավի ժամանակ: «Էս թիմն էն մարդիկ են, որոնք գնացել են ռիսկի՝ գիտակցելով, որ կարող են բռնվել, բայց իրենք իմ կողքին են եղել հենց այդ վիճակում: Ես չեմ ասում, որ մենք ու մեր թիմն իդեալական են, ես ասում եմ, որ ջախջախիչ հակահարված ենք տալու մեր թիմի անդամների մասին կեղծ լուրեր տարածողներին: Մեր ժողովուրդը կեղծիքը ստից տարբերում է: Համոզված եմ, որ ընտրություններում մեր ժողովուրդն իր հսկա «այոն» կասի ճշմարտությանը և «ոչ» կասի կեղծիքին»,- ասել է Փաշինյանը: