Ով ուզում է մեզ հետ քայլել, կքայլի. Փաշինյան

Մենք ակնկալում ենք քայլել ամբողջ Երևանով: Այս մասին, լրագրողի հարցին ի պատասխան, նշել է վարչապետի պաշտոնակատար Նիկոլ Փաշինյանը: Ճշտող հարցին՝ պատրաստվո՞ւմ եք բոլոր վարչական շրջաններում քայլերթ իրականացնել, Փաշինյանը պատասխանել է, թե «փորձելու են»: «Ով ուզում է մեզ հետ քայլել, կքայլի, ով չի ուզում մեզ հետ քայլել, չի քայլի»,- ասել է Փաշինյանը: Լրագրողների հարցին՝ արդյոք դժվար չէ՞ երկար ժամանակ դադարից հետո կրկին քայլերթ անցկացնելը, Փաշինյանն այսպես արձագանքեց. «Երևանի ընտրությունների ժամանակ ենք քայլերթ անցկացրել ու բավականին մեծ քայլերթ է եղել, էնպես որ ժամանակ առ ժամանակ մեզ քայլերթեր անելիս կտեսնեք»: