Արա Վարդանյանը նվիրատվություն է արել Հայաստան Հիմնադրամին
«Հայաստան» համահայկական հիմնադրամի նախկին տնօրեն Արա Վարդանյանը իր էջում գրել է. «Այսօր, ինչպես նախորդ 15 տարիներին, կատարեցի իմ պարտքը, որով իմ փոքր ներդրումը բերեցի Համահայկական Հիմնադրամի ապագա ծրագրերին։ Շուրջ տաս տարի ղեկավարելով այս յուրատեսակ կառույցը` համոզված եմ իմ այն սկզբունքին, որ յուրաքանչյուր հայ պետք է իր մասնակցությունը ունենա իր իսկ երկրի կայացման կարևորագույն գործում։ Հիմնադրամին սատարելը ինքնանպատակ չէ, այլ ապրելու ձև, որից անհնար է խուսափել։ Միշտ առաջնորդվել եմ այն սկզբունքով, որ միայն բոլորս միասին կարող ենք շարունակել Համահայկական Հիմնադրամի կարևորագույն առաքելությունը։ Կրկին հայցում եմ բոլորիդ ներողամտությունը, եթե իմ հետ կապված աղմուկը որևէ կերպ ազդել է վստահության վրա, և կոչ եմ անում բոլորին սատար կանգնել Հիմնադրամին և իր սուրբ առաքելությանը։ Իմ ղեկավարության 10 տարիների ընթացքում իրականացվել են հազարավոր ծրագրեր։ Անկեղծորեն ցանկանում եմ, որ գալիք տարիների ընթացքում այդ թիվը եռապատկվի և քառատատկվի։ Միշտ դասել եմ Հիմնադրամը շատ ավելի բարձր, քան իմ անձը և կշարունակեմ նույն ձև»: Հիշեցնենք, որ Արա Վարդանյանը հրաժարական էր տվել Հիմնադրամի գործադիր տնօրենի պաշտոնից այն բանից հետո, երբ բացահայտվեց, որ նա հիմնադրամի միջոցներով խաղադրույքներ էր կատարել:
Հետևեք մեզ Viber-ում
