Բացահայտել են միլիոնավոր դրամների չարաշահումներ. նոր անուններ կլինեն
«Կայացած փաստ է՝ Հրանուշ Հակոբյանի պաշտոնավարման տարիներին նախարարությունում չարաշահումներ եղել են: Պատկան մարմինները բացահայտել են միլիոնավոր դրամների չարաշահումներ, ընդ որում՝ խոսքը գնում է ամենափոքր նախարարության մասին, որից դժվար էր պատկերացնել, որ մի քանի հարյուր միլիոնի չարաշահում կարող է լինել»,- նման հայատարարություն լրագրողների հետ հանդիպմանն արեց ՀՀ սփյուռքի նախարարի պաշտոնակատար Մխիթար Հայրապետյանը: «Պետական վերահսկողական ծառայությունը դիմել է Քննչական կոմիտե, տարվում է քննություն: Խնդիրն այն է՝ նախարարն իմացե՞լ է այդ մասին, թե՞ ոչ:Իմ օրոք որևէ լումայի չարաշահում չի եղել»,- վստահեցրեց նա: Հայրապետյանը հորդորեց սպասել Քննչական կոմիտեի հայտարարություններին. «Չի բացառվում, որ նոր անուններ կլինեն»: Նախկինում էլ Վերահսկիչ պալատն էր պարզել, որ նախարարությունում խոշոր պարգևավճարներ են տրվում, արդյոք հիմա այդ ավանդույթը շարունակվո՞ւմ է,հարցրեցին նախարարին պաշտոնակատարին, Մ.Հայրապետյանը պատասխանեց, որ ինքն ուսումնասիրել է պարգևատրումների ծավալները, դրանք մեծ չեն եղել. «Օրինակ՝ 80 հազար դրամ աշխատավարձ ստացողին տարվա ընփացքում 2-3 անգամ նույն չափով պարգևատրում է տրվել, դա շա՞տ է»: Նա նշեց, որ իր ղեկավարման ընթացքում 1 անգամ է պարգևատրումներ տվել, բայց այն աշխատողներին, որոնք իրենց աշխատանքը կատարել են փայլուն. «Սա մյուսների համար խրախուսանք կլինի»:
Հետևեք մեզ Viber-ում
