Ինչու՞ այս տարվա հեռուստամարաթոնին ավելի քիչ գումար հավաքվեց, քան՝ նախորդ տարի

Եվ այսպես, այս տարվա «Հեռուստամարաթոն-2018»-ին «Հայաստան» համահայկական հիմնադրամին նվիրաբերվեց 11 մլն 109 հազար դոլար: Մինչդեռ, անցյալ տարի այս գումարը կազմել էր 12 մլն 505 հազար դոլար: Այս թվերը իրարից շատ չեն տարբերվում, սակայն կարևորը գումարի փոփոխության տրենդն է: Իսկ դա ի օգուտ այս տարվա ցուցանիշին չէ: Բայց թվում էր, թե Սփյուռքը «հեղափոխական» Հայաստանին ավելի շատ պիտի հավատար, քան՝ «հին» Հայաստանին: Սակայն պարզվում է, որ իրականությունը բոլորովին այլ է: Պարզվում է, որ Սփյուռքում Հայաստանի հանդեպ վերաբերմունքը դեռ չի փոխվել. մենք չենք ասում, թվերն են դա ցույց տալիս: Ավելին, վերջին տարատեսակ «բացահայտումները», ամենայն հավանականությամբ, ճիշտ հակառակ էֆեկտն են տվել: Հեղափոխությունը հնարավորություն է տալիսարմատական փոփոխությունների համար, բայց դա դեռ հարց է, թե այդ փոփոխությունները դեպի պրոգրես կտանե՞ն երկրիրը, թե հակառակը, այ սա է խնդիրների խնդիրը: Այստեղ են, որ սխալվում են և նախկին իշխանության ներկայացուցիչները, որոնք հեղափոխությունը դիտարկում են որպես ի սկզբանե չարիք, և ներկայիս իշխանությունները, որոնք ապրիորի, հեղափոխությունը դիտարկում են որպես անհերքելի ձեռքբերում: Մինչդեռ, իրականությունը գտնվում է այս երկու տեսակետների արանքում, այն է՝ «հեղափոխությունը ոչ չարիք է, ոչ էլ՝ բարիք, այլ հնարավորություն է՝ արմատական փոփոխությունների համար»: Ճիշտ գործելու դեպքում, վերջնարդյունքում այն կդառնա «Բարիք», իսկ սխալ գործունեության դեպքում, դա կդառնա «Չարիք», և էլ ավելի վատ, քան՝ նախահեղափոխական շրջանն էր: Տվյալ պարագայում, հեռուստամարաթոնը «լակմուսյան» թղթի դեր կատարեց, ցույց տալով, որ մարդիկ, դեռ սպասողական վիճակում են գտնվում՝ հասկանալու համար, թե կարելի՞ է արդեն հավատալ պետությանը, թե՝ ոչ: Այս տարվա հեռուստամարաթոնի ցուցանիշները վկայում են՝ «Դեռ ոչ»: Բայց դա չի նշանակում, որ ամեն ինչ ավարտված է: Սա պետք է մտորելու տեղիք տա, պետք է ազդակ լինի, պետք է հետևություն արվի, որպեսզի իրավիճակը փոփոխվի: Քանզի ինքնախաբեությունը կուսակցական պատկանելիություն չի ճանաչում, ճիշտ ու ժամանակին հետևություն չանելու դեպքում վատ վերջնարդյունք է ունենում, ինչը ցույց տվեցին այս տարվա ապրիլյան իրադարձությունները: zham.am Արտակ Հակոբյան