Բակո Սահակյանը՝սահմանային լարվածության մասին

«Հայաստան» համահայկական հիմնադրամի հեռուստամարաթոնի տաղավարում Արցախի նախագահ Բակո Սահակյանը  խոսեց սահմանային իրավիճակից՝ նշելով, որ Դուշանբեի պայմանավորվածությունների արդյունքում սահմանում լարվածության աստիճանը նվազել է, բայց նաև ընդգծեց, որ իրենք զգոնությունը չեն կորցնում։ Արցախի նախագահը խոսեց հիմնադրամի աջակցությամբ իրականացված մի քանի ծրագրերի մասին, որոնցից մեկը Վարդենիս-Սոթք-Մարտակերտ ճանապարհի շահագործումն է, որը, ասաց, ռազմավարական նշանակություն ունի: Բակո Սահակյանը վստահություն հայտնեց, որ այս հեռուստամարաթոնի ընթացքում ևս ստեղծվելու են անհրաժեշտ պայմաններ՝ շարունակական դարձնելու Արցախի զարգացումը։