Լիլիթ Մակունցը հարցը կլուծի

ՀՀ մշակույթի նախարարի պաշտոնակատար Լիլիթ Մակունցն անդրադառնալով մեկ շաբաթ Երևանի Սոս Սարգսյանի անվան համազգային թատրոնում լարված իրավիճակին ասել է, որ որ օրեր առաջ հանդիպել է թատրոնի ստեղծագործական կազմի հետ և մանրամասն քննարկել են մտահոգող խնդիրները: Հիշեցնենք, որ դերասանների մի մասը չի ներկայանում փորձերի, ընդվզում է և պահանջում թատրոնի տնօրեն, գեղարվեստական ղեկավար Վիգեն Չալդրանյանի հրաժարականը: «Այստեղ խնդիրն ունի երկու կողմ. ոչ միայն ստեղծագործական կազմն է, այլև պարոն Չալդրանյանը։ Հանդիպման ընթացքում ստեղծագործական կազմին տեղեկացրեցի, որ կխոսեմ նաև Վիգեն Չալդրանյանի հետ, այնուհետև տեղի կունենա ընդհանուր հանդիպում»,-նշել է Մակունցը` հավատացնելով, որ խնդրի լուծումն ընթացքում է և այն անպայման կլուծվի։